ZO RUNAH LO LAWI R'U

29/01/2010 13:57

-Rairahtea , Hmun Khawhar

Khartung kan hawng kan sir sawn e
Chinlai lungduh lenrual zawngte
Chhinlung naufa zaleng zawng zawng
Suihlung ruala in suih khawmin
Zo runah lo lawi r'u

            Hlim leh lawm a zai sain
            Zo runah lo lawiru
            Chhimhmar chhak thlang a leng zawng zawng
            Thangthar lanu chhuih thangval rualten
            Kan chawi zel dawn e, zonunmawi
            Chuailote'n aw…vul reng ang che

Khuai ang lawiin zofa leng te
Chibing inthliar inthlei hrana
Sirah hnawlin puan ang bang ta che
Pheikhai rualte'n hmatiang sawnin
Ramthar din zai rel za ang

Hnam nun kalsiam hmatiang sawn nan
Raltiang kai za Martar nunte
Nghilh bil lo la thinlai rilah
Hmangaihna hrui khat vuan tawnin
Zonun thar kan din dawn e

Kawng min daltu sihal ver vek
Lem ang der thiam zonun hmelma
Zonun thuam ang do za ila
Suihlung ruala hlim zai vawrin
Zorun ah lo lawi r'u

*He hla hi a nun zawng zawng MIzo Thu leh Hla tihhausak nan hlantu,amah erawh "Writer" tih title pu tlaka in ngai lo, pa inngaitlawm tak mai , a hming lem atan pawh "Rairahtea , Hmun Khawhar" ti thintu,15th December 2009 (8:30pm vel)a min kalsan ta - V.L Rema phuah(Hla-a siam leh atan a ziak) a ni.

Back