ZAWLBUK CHANCHIN

By C. Laitanga

Origin: Zawlbuk tobul hi chhui thui a bar khawp mai, ziaktu hmasate pawh hian an sawi lo viau. Mizote China chhim vela an awm lai hian Civilisation eng emaw chen chu an lo tern ve tawh ni ngei chuan a long. Hemi tichiangtu pakhat chu, kan Cheraw-lam hi a ni. China khian kan nei an ti a, Thailand-in an nei a, Philippines khian an nei ngei bawk a. Eng hunah emaw chuan heng Cheraw neiho hi hmun khatah awmhoin, Cheraw an lo kan-ho tawh ngei ni chuan a lang. He lam hi a mawi a, awmze nei tak a ni bawk a, hei ber hi an thiam chuan, tuna kan lam dang dang Chai, Khuallam, Thuthmun zai leh lam leh a dang dang ang chite hi chu an thiam ngei tura ngaih a ni. Tin, hla lamah pawh an hniam vak lo ang tih a ngaihruat theih. Silhfen lam pawh an thiam viau tawh ang tih a rin theih a, chu chu kan pi pu te la dehna hmanrua chi hrang hrang, khing lai Museum-ah hmuh tur a awm a, tin, pi pu te puan chi hrang hrang ang chi hi tun thlengin hmuh tur an zingah a la awm. Chuti ang tak in kan thlahtute lo changkang tawh mah sela an hnuhmaah Zawlbuk lam hawi hmuh ala awm hrih lo.

Khampat Civilisation-ah pawh hian Zawlbuk thawm leh hnuhma engmah sawi leh hmuh a awm lo. Inawp dan fel tak neiin kulh ropui tak pawh an-nei a, Music lamah pawh hnuhma an hnutchhiah a, Khampat hmuna dar laihchhuah ngei Mizoram State Museum-ah dah a ni. He hmun hriat rengna tura an Bung phun pawh,.Zoram thleng thlengin a humhalhtu Committee kan ding a ni awm e. Mahse heng zawng zawngah hian Zawlbuk lam thu kan hre ngai lo.

Thlahtute Than tlang leh Run kuam paltlanga Len tlang an rawn chuan chhuah khan, Seipui leh a chheh velah hnam hrang te tein an khawsa a, hnam leh hnam inkarah innghirnghona te a lo awn tan ve niin a lang. Kan hriat theih chinah chuan, an inbeih dan pawh a la nep hie a, tual a vawk lu tar invuak thlaksak te chu an in beih dan a ni. Hun a lo kal zel a thir hriamhreite an lo hmang thiamin an siam thiam deuh deuh zel a, indo dan pawh a nasa tial tial a, thlang an rawn tlak fel meuh chuan, silai hialte pawh an lo hmang ta a ni. Chu tianga lai khua leh lai khua indo an chin takah chuan sipai an mamawhna a lo sang zela, khuaa tlangval rual leh pa valai te chu sipai an lo ni ta a. Chung Mizo sipai rual chu fangkai tak leh hlawk taka che phut thei tur chuan hmun bik an lo mamawh ta a. Tichuan an Supreme Commander lai in hnaiah Bahrik (Baricade) an neih a lo Jul ta a, in lian tak Zawlbuk kan tih mai chu an lo mamawh ta a ni. Zawlbuka tlangvalho chu hiring rengin an mu a, rikrum thulhah lai chuan a kaithoin a tir chhuak ta thin a, hun a lo kal zel a tlawmngaihna a lo {hang lian a, tuma phut lovin Zawlbuk tlangvalte chu khawtlang venhim chungchang a ni emaw, mimal tahpui ngai tanpui tur a ni emaw, phur tak angih an thawkchhuak ta thin a ni. Indo thu-ah chuan Zawlbuk tlangvalho an hneh tawh chuan, khawchhung mihring chu an duh tawkin an suasam tawh mai thin a ni. Hei hi Khawnglung Run chanchin hian a nemnghet a ni, kan ti thei ang.

Mizo thlangtla kha, Farkawn, Vaphai, Dungtlang leh Fai velah te an lo tla thla ber a. Hengah hian khaw lian fe fe chu din bawk mah se Zawlbuk an neih thawm a awm lo hie. Khawchhaka an unau Pawiho tuar lova lo tawlh thla an ni ber a, chuvangin sawilan awm chiah lo mah se Zawlbuk chu an nei ngei tawh chuan a rinawm. Tiau thlanga an awm hnu pawh chuan Pawi ral an la hlau tho a, tichuan Selesih-ah awmkhawm zai an rel ta a, in 7000 lai an tling an ti. Hemi khuaah hian Zawlbuk pasarih a awm tih a ni a. Hei hi Mizo khuaah Zawlbuk a awm tih chiang taka sawilanna hmasa a ni a, kum 1750 AD vel a ni ang e. Hun kal zelah chuan Zawlbuk chu Mizo khuaah chuan thil pawimawh leh langsar ber pakhat a ni zui ta zel a ni.

A sak dan : British-in 1890 AD a Mizoram an rawn luah hma chuan Mizo khua chu hi sawn fo thin an ni a, a chhan ber chu thlawhhma {ha awmna an pan vang a ni. Khaw hmun khatah rei tawk an awm chuan an lo neih tur ram fha an vat zova, ram tha tamna hmunah an in sawn thin a ni. Tin, ral hlauh vanga khaw sawn an ching bawk. Khaw thar tur chu ngun takin enfiah a nih hnu chuan khaw hmun tur chu an sam fai hliau a. A hmasa berin Lal inhmun tur an ruat a, a dawtah chuan Zawlbuk hmnn tur an mat leh a, chum i hnuah chuan khawnbawl upaho hmun tur leh mi dang dang an mat leh zel a ni.

Vanlai Buk: Lal in sak zawhah Zawlbuk lailawk Vanlaibuk an sa thin. Hei hi thing tlawn sei pui pui tarn tak an la khawm a, chung chu an tung chiam a, a ler lam an insiktir a, an tun hual chhung chu zau fe alo kaw rawng ta thin a ni. A an ber chu USA lam a Red Indian ho in a ni. Zawlbuk tak tak an sak hma in chu chu Zawlbuk atan an hmang thin. Tichuan mitinin anmahni hi tur an buatsaih a, an peih fel vek hnu chuan Zawlbuk tak tak chu an sa chauh thin a ni.

Zawlbuk: Zawl buk sak hun hi October, lejh February thla inkar an thlang deuh ber, a chhan chu, hetih hun lai hian Zoram thing leh mau leh rua te an nget lo a ni. A hmasa berin a chak an lakhawm a, thingtuai tarn tak, mau leh rua tarn tak, di tarn tawk, hruihnang leh ram hrui tarn tawk leh hnang hrim hrim pawh tarn tawk an lakhawm phawt thin. Chutia engkim an lakkhawm hnu chuan, hnatlangin Zawlbuk sak chu an tan thin. Zawlbuk sakah hian hmeichia tel ve phal a ni lova, sak zawh hnuah pawh hmeichhia chu Zawlbuk chhung ah luh a thiang lo.

A hmasa berin a kil ban tur an phun phawt a, an kil dik dan chu anmahni thiam angin an ti a, a dik thei em em a ni. A len lam chu khaw len dan nen a inphu tawkin a sa a, 60'X30' emaw 50'X25' emaw te a ni thin. A kil dik taka an siam hnu chuan a sir ban ve ve an phun tlar a. Chutah chuan kalte*, thing tlawn sei tak a khamphei zawngin banah chuan an phuar bet a. Chumi a sir kalte ve ve inkarah chuan a dung zawng bawkin thing tlawn pali emaw pathum emaw an kham leh a, chu chu thawmmawl tarn takin an do tuk a, a kila kalte" pawh kha thawmmawlin an do teuh bawk. A thenah chuan thawmmawl chu a awn zawngin, a indokalh nghet turin an do a, chu chu, "do uiseh," an ti. A lai takah chuan ban lian bik, sut, a chung sang ber tlung dotu a tlarin panga an phun bawk. KaltS leh kaldung chungah chuan thingtuai ngil, a kham zawngin foot khat vela zingin a chhuat pum huapin an dah leh a, chumi chungah chuan, tluangrel mau pum emaw raw phel emaw insiphui tlatin an tawn leh a, chumi chungah chuan chhuat an phah thin. Uluk deuh chuan tluangrel chungah hian phakrak an la vawrh leh kher thin. Tin, thenkhat chuan kalkhang chungchiahah a dung zawngin thing tuai te emaw, thing eh phel suih emaw an dah leh vek a, chu chu kaldung an ti bawk. Zawlbuk chhuat chu a nghet theih ang ber turin, chhuatpuitaha tah tlat a ni. Hetiang chhuatah hi chuan tlangval chak pawh inbuan mah se a tah chu a tawlh mai mai lo.

Tap: Zawlbuk bawhbel bul sut leh a chhuatlai sut inkarah chuan mei chhemna tap lian tak an siam a, hei hi chhuat ruala siam a ni a, chhuat a kan loh nan lungphek lian lo te tein an hungkual vek thin. He tapah hian naupangho thingnawi put khawmte an tuah eng a, tlangval thingpui putte an mut bawk. Hei hi an petrbniax ve ber a ni. Hemi tap chung zawnah hian dap tah hlai angreng tak an khai dual a, chu chu, mei si dal a ni, an mei siin inchung di a han thlen lohna tur a ni.

Bahzar : Zawlbuk kawmchar lamah chuan ft.8 vela zau a vang tluanin ft.l vela sang in dawhsan an siam a, chu chu bahzar a ni. Tlangvalho bawkzala, ngaihzawng thu an sepna hmun a ni a, mut hunah chuan Val upa lamho deuh mutna a ni.

Awkpaka : Bahzar chin chu a chhung lamah bang ft.2 leh a chanve vela sangin an ping vek a. Bang tak tak chu a pawn lamah pin a ni a, bahzar bang zawnah an ti tawp a, tichuan chhung lam bang leh pawn lam bang tawpna chu mihring leng laiin a pawp kual vek a, chu chu awkpaka a ni.

Puanthuah dahna : Zawlbuk sir ve ve chu chhung lamah awmthleng chen velin, a chhung lamah bahzar atanga bawhbel thlengin bang an siam a. Chumi bang hnawr chung lam pang chu raw phelin an tuam mam thlap a. Bang pangngai chu a pawn lamah in pangngai anga pin a ni leh a. Chumi chhung lam bang tlang phei chu, puanthuah dahna a ni.

Bawhbel : Tap atanga pawn lam ft.6 vel zetah chuan sut a ding a. Chumi sut pawn lam chiahah sut ngheng chuan, thing tlawn lian em em, hrei-ha hlang lai tur a vang-tluan chuan an kham zur mai a. Zawlbuka lut tur reng reng chuan chu chu bawh Ham tur a ni, chuvang chuan a bel hluau mai a, chu chu a hming put chhan a ni. Bawhbel hi a lian apiang an duh a, khaw ropuinaah an ngai thin.

Sumhmun : Bawhbel pawn lam chiah chu thing pum dawh phui a ni a, sut pawn her thlenga dawh a ni. Heng thing pum dawhho hi an ngil seng lova, awng a awm thliahthluah a, chu chu tlangvalho chuan ek nan an hmang nasa a, an e tang bawk thin. Chu chu sumhmun a ni.

Kaiten : Sumhmun pawn leh chu sumhmun leh lei inzawmna thing dawh a ni a, thing ehphel emaw, a pum emaw hman theih a ni. Hei hi kaifen, tih a ni.
Bangrel : Zawlbuk bante chu bang belna turin Hang thlengin an ding chho a, chung ban karah chuan thing tuai a tung chho leh a khampheiin an fawn tlat a, chung chu^ bangrel an ni. Hetah hian bang, thumbawh kaihsawih an bel thin.

Buan zawl: Zawlbuk tap bula sut kawmchar lama mi leh bahzar inkar chu hmun awl zau lai tak a ni a, hei hi, buan zawl an ti a, inbuanna hmun ber chu a ni. Tin, a sir bang ve ve hrulah chuan hrui, hruipui hrui emaw Zawlbuk dung tluan chuan an thlung a, chu chu hrui ban an zirna a ni. Luia tui a len chuan hrui lian tak an thlung kai a, chumi zut chuan lui,chu an kai thin. Chuvangin hrui ban hi an thiam a ngai hie a ni.

Liang: Zawlbuk ban ler ft.8 vel turah chuan thingtuai ngil tak dah a ni leh a, hei hi, Hang a ni. Zawlbuk chu a zang kul em em a nih avangin Hang pawh hi a kul tur a ni. Hei hi bang chung-lam phuar behna a ni.

Khanchhuk : Sut awmna zawnah sut nghengin khanchhuk dah vek a ni. Khanchhuk chu Hangah a inchhuang a, Zawlbuk hawlh parhtu leh chelh nghettu tak a ni. Khanchhuk hi dan naranin foot khat hawlh tlang vela lian a ni.

Tlung : Zawlbuk laia sut ban kha an inchen lo zut a, a laia mi a sang ber a, a sir ve ve an hniam ber. Chutah chuan tlung, thing pum rinawm tawk chu an chhuang a, a kul khuau thin. Tlung kul dan chu Hang kul dan aiin a nasa fe tur a ni.

Inchhun : Thing tuai ngil leh rinawm deuh deuh bul lam chu tlungah chuan an chhuang a, a hmawr lam chu Hangah a in chhuang a. Chutiang chuan foot khat leh a chanve vela zingin in chung pumah chuan an dah a, chu chu inchhun a ni.

Chumpui: Inchhun hnuai lamah hian a man khawm turin thingtuai ngil tak an tawn bet a, chu chu, chumpui a ni. He chumpui hi khanchuk atangin an do tlat thin.

Dichum : Inchhun chungah chuan mau inches 6 vela khatin an tawn khat tlat a, chu chu dichumani.

Di chih : Dichumah chuan di tel, a mawng lam sawh nial hmak chu an phelh a, Di chehnain rual takin an chep ta a. Chutiang di an cheh tlar phei chu di ha an ti. Di ha chu an tih zin chuan a phuiduhbik.

Di so : Kawmchar lam hmawr leh kawt lam hmawr chu, a dung zui zawngin chhah takin an chih a, tichuan di hmawr chu a uai so tup a, chu chu di so a ni. Vamurin bu a chhep a, an lawi hat hat thin.

Tlungkhum : Di ha chu tlung lamah hma an sawn chho zel a, tlung an thlen chuan, leh lama mi nen a insi thei ang berin an chep a. Chumi chungah chuan, di sei thlankhawm chu an pharh zui a, raw phel rinawm takin an chep thin, hei hi tlungkhum chu a ni.

Zawlbuk hmiai lam chu, sut hmawr ber rinchhanin bang pin a ni a, chu bang chu mihring tawng awm velah tih tawp a ni a, a vang tluan chuan a inhawng. Hei hi thenkhat chuan awkpaka an ti ve tho a, Pu H. Kaibuaia chuan, awkpakawngka a ti, ka pawmpui lem chiah lo.

Thingnawi bawm: Bawhbel pawn chiah, ban luha sumhmun vei lam kilah thingnawi bawm chu khuahhrawlhin siam a ni, A len lam chu a neitute duh dan dan a ni.

Zawlbuk tui: Zawlbuk luha ding lam, bawhbel leh bang insikna hi Zawlbuk tui dahna a ni. Tui urn lian pui pui pahnih emaw pathum emaw dah a ni thin.
Relevance to Mizo Society: Zawlbuk inkaihhruaina dan hi Mizo nun siamtu pawimawh tak a ni a, chu chu kimchang leh fiah taka tarlang tur chuan thu tarn tham deuh hlek ziak a ngai dawn,kim tawk lo mah se a tawi zawngin sawi i han turn teh ang. A hmaa sawi tawh angin Zawlbuk chu mipa lam chan a ni a, hmeichhiain tih tur an nei ve lo. Hetih hunlai hian a chak leh a huai apiang chungnun a nih avangin, Lai Isua hun laia Israel-ho ang deuh chiahin hmeichhia chu chhiar an ni vak lo. Zawlbuk inawpnaah hian pawl hnih an awm a, naupang leh puitling te an ni.

Naupang: Naupang pawl chu kum 10-15 an ni deuh ber a, thingnawi fawm tih an ni. An hna pui ber chu Zawlbuk thingnawi fawm a ni. An zinga tlangval deuh(tawh leh fel bik te chu hotu an ni. Hetih hun lai hian inthlan a awm ngai lo va, an mizia atangin hotu chu an lo dawkchhuak mai thin. Thingnawi fawm hotute chuan naupangte chu khua leh tui tha leh hmantlaka chherchhuah an turn ran a. Thuawi leh rinawm an zirtir uluk hie. Naupang chuan Zawlbuk thing tur chu nitin an theih tawk awm keuh turin an tfotuten an tuk a. Chu an tih turah chUan an rinawm ngei ngei tur a ni. Rinawm lo an hmuh vaih chuanlirem lohin an chhuak ngai lo. He inhremna hi appeal-na a awm lo, nu leh p'aift an sawi chuan an hremna a na ting mai a ni. Lai leh Upa pawhin thu an nei ngai lo. Tin, "naupang reng rengin an aia upate thu chu a kawi a ngilin an awi tur a ni. Thuawi lo chu a tirtu khan direct-in a hrem nghal mai a, hei pawh hi sawisel theihna Court a awm lo.

Indo hun lai leh ramsa kawlhte awm lai a nih avangin, naupangte chu huaisen an zirtir thin. Chutiang atan chuan thimthama mei thingthu indah hlat siakte an ching. Chutiang bawkin hriamhrei hman te, hrui ban te leh thinglawn te an zirtir. Mipa chu pa tak ni turin chherchhuah an turn ber. Tin, thingnawi fawm chuan sa hrang bawp a man hlauh chuan, thingnawifawm a awl thei. Huaisen avanga thiante chhanchhuak te leh thil {ha chungchuang ti te chuan thingnawi an awl bawk. Thingnawi fawm hotute chuan zantin Zawlbuk tualah Roll Call an nei a, saihlum hrual takin naupangte an hrual mum thin a nih chu. Zawlbuk chhungah infiamna chi hrang hrangte an tih tir bawk. Thingnawi fawm chu a lo len a, tuhakuai rual a lo nih chuan, Zawlbuk tlangvalhoin a zanghmul sei ber an pawt ang a, vaibel dawn an zem tir a, a zem theih chuan Zawlbuk tlangvalah an Promote ta thin a ni. Tet te atanga rinawm, thuawi, taimak leh huaisen dan te lo zir zo vek tawh chu, tlangval duhawm tak a lo ni tawh thin.

Zawlbuk tlangval: Zawlbuk tlangval chu valupain a ho thung a. Ani pawh hi thlan ni lovin, a fel leh fin leh tlawmngaih chungchuan vanga hotua lo dawkchhuak mai a ni. Thingnawi fawm nih laia thuawi, rinawm, taimak, huai leh fin lo zirchhuak thiau awmkhawm chu, khawtlang venghim tur chuan an tha tawk a ni. Feh hawng lo zawn tur emaw, sa tla um tur emaw, kang theih tur emaw leh chutiang mamawhnaah thleng hmasa nih turn thah an ni. Zawlbuk mei lum ai patar hovin, mi huai leh pasaltha chanchin an sawi te chu an ngaithla kar a, tlin ve an turn ran thin. Tin, an nula rim ten pasaltha huaisen, sakap thei an ngaihsanzia an hre ran bawk. Chung chuan alawm Taitesena pawh, "Thiante inhliama enga ti nge ka la him bik," tih tirtu chu.
Zawlbukah hian mikhual tlangval an lo chhuak ve mai a, -valupa deuh khan, "Mikhual kha buan rawh u," a han ti a. A chak emaw chak lo emaw an han buan laih laih a, chumi zawh chuan an khaw nula hmeltha an rimpui a, zanah Zawlbukah puanthuah an vawm leh mai. An inngaina zui mai thin. Zawlbuk Reception hi an nei changkang hie a ni.

Khaw chutiang riang ruangah chuan tlangval awm tha duh lo deuh pawh awm theih a ni. Chuti ang chu valupa thuin, mei an thawlhthim a, an chil rawn hrep mai a ni. Sim lo sawi tur an awm lo. Chutiang bawkin nula hawihhawm lo, induh deuh inlengte laka tawng mawi lo rawlh chu valupa hnenah an sawi a, a nin dik tawka a hriat chuan tlangval rual an thawk a nulate kaifen, luhka te an thiat bian bian mai. In neitupain zubel kaichhuaka ngaihdam a dil loh chuan, in hial sawithiat thei an ni. Mahse chutiang em thlen hmain ngaihdam in neituten an dil thin. Hetianga kut an thlak reng rengah Lai leh Upate an inrawlh ngai lo. Valupa thu chu thu tlingah an ngai hmiah a ni.

Zawlbuk tlangvalte hian khaw chhung mi harsa zualte chu an pui thin a, hmeithai lo vat thei lo te an vahsak bawk thin. Leido an neih lai emaw sa huai chimawm bik an neih lai emaw chuan, hmeichhe tui chawi leh feh kawng kalte tlangvalin an veng bawk thin. Dam lo na zual menpui te, khawhar in riah leh thlan laihte tlangval kut vek a ni- thin. Mikhual dam lo zawn te, zualko kal te Zawlbuk tlangval kut vek a ni bawk.
Mizo nun mawi Tlawmngaihna te, injhenawm khawven dan {ha te, aia upa zah te, thuawi leh rinawmna zawng zawng hi Zawlbuk Pum chhuak an nih vanga awm vek a ni.

Its Closing Years
Zawlbuk Mizo nuna a pawimawh zia hi Mizote aiin Sap, kan ram rawn awptute khan an hre chiang zawk a, N.E.Parry ICS, Superintendent chuan Zawlbuk hi kumkhuaa neih turin kum 1926 khan thupek a siam tawp mai a, a hnua Superintendent Helme ICS chuan a thupek chu a nemnghet leh, Chuti ang khawpa thil hlu leh uihawm ni niah se, Bristish rorelna hnuaia awm hnu chuan, indo a awm tawh lova, mite Kristian an lo ni ta bawk a. Tin, sikul te a lo awm tawh avangin in lama lehkha chhiarte a lo ngai a, a tih hleihtheih ta lo a ni ber mai. Thakthing tlanga Paliana lal laia rangva meuha an sak pawh luahlum lohin a awm ta a ni. A tawpah chuan, A.G.Mc Call ICS, Superintendent chuan ni 1.1.1938-ah Thakthing Zawlbuk tualah vantlang inkhawm a kova, mipui hmaah Bawrhsap chuan, "Zawlbuk a fangkaia, a awm loh chuan in society a chhiat vek ka hlau a ni," a ti a. Pu Telela te, Upa Thanga te, Pu Luna C.I te'n thu an sawi a, Sikul te, Kohhran te kan nun hruai ngil tur kan nei tawh a, Zawlbuk chu a ful tawh lo an ti Jheuh a. A.G.Mc Call-a chuan, "N.E. Parry thupek hi, vawiin afanga ni sawm chhung ngaihtuah leh tur a ni," a ti a. Zawlbuk chu a lo tawp Men ta a ni.

References:
1. K Zawla: Mizo Pi Pute leh An Thlahte Chanchin, Aizawl, Gosen Press, 1939 (5th Edition).
2. Hrangjhiauva leh Lalchungnunga : Mizo Chanchin, Aizawl, Zoram Press, 1978,
3. Remkunga: Mizo Pi Pute, Aizawl, R.B. Press, 1980.
4. V.L. Siama : Mizo History, Aizawl, Lengchhawn Press, 1991 (Reprint).
5. James Dokhuma: Hmanlai Mizo Kalphung, Aizawl, J.D. Press, 1992.
6. Zofate Chanchin, Tahan, EFC Press, 1995.
7. B. Lalthangliana: Pi Pu Zunleng, Aizawl, Govt. Press, 2007.

 Thulakna: https://www.chanchinthar.com