ZARZOKIMA THATTU NIA RINHLELH MAN KIM ? Zawn lai Thankima ruang chhar

Nikum, November ni 13-a Bungthuam tlangval Zarzokima kahhlumnaa a meizang hlaptu nia rinhlelh mi 8 zinga 7 chu man an ni tawh a. Mizoram Police Special Investigation Team (SIT) ten an veh lai mek Thankima ni ngeia hriat chu tukin zing dar 8 vel khan Tripura ram chhung Tuikuk Refugee Camp pakhat, Khakchangpara bul lawkah a ruang chhar a ni.

Thankima hi ruk ruk case avangin, hman ni lawka Police ten computer ruk hrat khawkheng an man tak Chinsianmuan nen khan an tanna Central Jail atangin an tlanchhuak a. Mizoram khawthlang lamah put chhuakin, Thankima hian Chinsianmuan hi helpui atan a sawm a. Chinsianmuan hian duh lovin Mizoram-ah a rawn kir leh a, rukruk bawk a chhunzawm leh a, a thil ruk thahnem tak nen man leh tawh nghe nghe. Thankima hian hel lam buaipui zuiin, nikuma Zarzokima kahhlumnaah khan thuk takin a inhnamhnawih ngei a rinawm, thudawnna chuan a ti.

Tukina  ruang chhar hi Thankima a ni ngei em tih la finfiah leh tur ni mahse, thenkhat sawi dan chuan Thankima hi ni ngeia hriat a ni a. A taksaah hian kahna hnuhma awma sawi a ni bawk. Mizoram Police te chuan Zarzokima thahnaa inhnamhnawih hi mi 8 niin an hria a, heng zinga mi 7 chu man tawhin, an mi zawn lai Thankima ruang chhar a nih leh tak avang hian Zarzokima thahnaa inhnamhnawiha hriatte chu an man kim thawkhat ta a ni.

===============

Zarzokima thihna thubuaia man tawhte

1. Vanlalfela (36) s/o Taitea (L)
2. Chusarai @ Lalrinfela (32) s/o Bonara
3. Lalthazuala @ Yakcho/Orno (28) s/o Sohadeb
4. R.Laldawngliana s/o Ranguna (L)
5. Barsila Riang (23) s/o Talmoni Riang
6. Chibu Mohan (24) s/o Ram Chonro
7. Ongyak Rai @ Oiyah Rai/Rastompa/
John/Tea (21) s/o Sukurpa (L)

Thulakna: The Zozam Times