Zarkawt-in hlawhfaa thlan laihtir turin thutlukna an siam

11/05/2010 06:37

Kar kal ta zirtawp zan khan Zarkawt Veng chuan VCP Pu H.Vanlalduha kaihhruainain vantlang inkhawm an nei a, hlawhfaa thlan laihtir an relthlu a, YMA leh Thlanmual Committee lo bawhzui turah an dah.

Zarkawt Vantlang inkhawmah hian chhungkaw aiawh an kal tha hle a, mi 225 an kalkhawm a, Inkhawm kaihruaitu chuan thlan laih chungchanga an ngaihdan sawi turin YMA, MHIP leh MUP aiawhte a sawm a, chumi hnuah a duh apiang tan sawihona hun a hawng leh a, an ngaihdan a inthuhmun hle hlawm niin thulakna chuan a tarlang.

An sawiho-na atanga a landan chuan, Sawrkar chawlh leh Inrinni leh Pathianni te hi chuan thlan lai an la thahnem viau a, mahse, hnathawh ni-ah erawh chuan mahni hna leh zirna lamah te an tul tlan(g) tawh em avangin thlan laih hi an harsat lam ni tawhin an hria a, Changkanna leh hmasawnna kal zelah thlan lai hi an veng chuan an zo ta lo niin an hria a, chuvangin hlawhfa laihtir mai se se an ti ta a ni.

Engtika hman tur nge tih leh chawlhni (holiday)-ah thlanlaih a, hnathawhniah hlawhfa rawih tur nge tih chu YMA leh Thlanmual Committee lo bawhzui turin an dah a ni.

Thulakna: Zothlifim

Back