YMA Hruaitu In Suasamtu 2 Man

01/12/2010 22:50

Bawngkawn police-te chuan nimin zing khan Ramhlun South YMA, Y Section Leader R. Lalniliana In suasama In neitupa kuthlaktu nia hriat mi pahnih manin thubuai an siamsak a, nimin vek khan central jail-ah thawn nghal an ni.

Police-te sawi danin R Lalniliana In suasamtute hi Lalchhanhima (24) s/o Remruata Ramhlun South leh Lalduhawma (28) S/o Enghmingthanga Mission Veng South an ni a. Heng mi pahnihte hi Thawhtan zan khan zu an ruih avangin mi thenkhat mit an tihkham avangin R. Lalniliana hian a kamkhat a ni.

Hei hi ngaithei lovin mi pahnihte hian nimin zing dar 6 rik hma hret khan phuba lakna nia ngaih theihin R Lalniliana In bang (tile) pakhat an tihkehsak a, In chhung bungrua suasamin fridge an namthluk bakah In neitupa hi kut an thlak nuala sawi a ni bawk.

He thil thleng hi Ram-hlun South khawtlang mipuite a tithinrim hle a, police ten an man hnu-ah Bawngkawn police station-ah umzuiin, mipui thahnem tak an pungkhawm nghal a. Mi pahnihte hmel hmuhtir tura ngenin eng-emawchen chu an tin duh lo a, khawtlang hruatutute leh police hotute an inbiak hnu-ah mipui pungkhawm hi an tindarh ta chauh niin thu dawn a ni.

Thulakna: The Zozam Times

Back