MIZO MIZONA HUMHALH

Phekpui>World Record Siam tum ni- ah Zodin City Bus Stand bula Lammual Gate lehlam khar a ni

World Record Siam tum ni- ah Zodin City Bus Stand bula Lammual Gate lehlam khar a ni

12/03/2010 17:02

Vawiin Zirtawpni hian Mizoram State- in Cheraw kan tamber hmanga Khawvel Record siam tumna chu a vawrtawp a thleng tan mek. Tihchhinna vawithum an tihchhin hnu chuan Tiffin ei chawlh lawk a awm a. Keipawh Lammual atangin Zodin lamah chhuahchhoh ka tum a. Mipui tawt tak inkarah chuan ka han inzep ve nawlh nawlh a.

Tin, heti hi a ni a. Ngaiteh… (han tiduah mai ila!!) Zodin City Bus Stand bula Lammual Gate lehlam khar a ni a. Lammual atanga chhuak duhte an chhuak tawh theilo. Pawnlam atanga rawn luh tumten an rawn nek a. Naupang chumchiap an thahnem lutuk a, an inpal tlu pheng phung mia mawle. Gate lehlam anrawn hawn takah chuan an innawr ta huk mai a!

Lammual atanga chhuah tumte chu a thlang lama awm an nih avangin an tawlhthla hum hum a. Thenkhat an lo tlu bawk a. Nu naupawm lai chenin an tlu a ni!!

Puipun nikhua- a innawr ang chi hi chin tamloh a tha khawp mai! Kei ngei pawh ka Tarmit vuah lai a tla tep a ni.

Thenkhat chu hliam tenau deuh tuarte pawh an awm ta hial ve ang!!

Thil pakhat, Block- I, 15 na- a Flag kengtu han tenawm zia kha.. Flag thenkual a, suk hlah hlah tur tih kha a ding mar a, zawimuangin a kutin a vai kual tawk tawk a! Ka nuih a za angreng!! A hmel lah khan ‘puak’ a ti ve tho si a..

Keizawng Lammual- ah ai chuan Kawngpui Dunga lam hi en a nuam ka tizawk daih nia.. Nang?

Thulakna: https://misual.com