Vawiina Hman Nghal Tur

1.Vawiina ka tih let loh turte : Mi tu emaw chaltlai takin lo awm ta se la, mi tu emaw dawh thei lo takin lo awm ta se la, mi tu emaw ngilneilo takin lo awm ta se la... Chuti anga an chet dan angin ka ti let ve lo vang.

2.Vawiinah ka hmelma siam that a nih theih nan Pathian hnenah ka tawngtai ang. Dik lo taka chein mi tuin emaw harsatna min thlentir ta se la, Chu mi chu siam that a nih theih nan Pathian hnenah ngawi rengin ka tawngtai ang.

3.Vawiina ka thusawiah ka fimkhur ang: Ka Thusawi turte fimkhur taka thlangin mi sawichhiatna thu chhakchhuak lo turin ka inveng fimkhur ang.

4.Vawiinah a tulna hmun apiangah tlawmngai takin ka kal ang:Mi dangte phurrit chhawk zangkhai thei turin kawng ka zawnpui ang.

5.Vawiinah ngaidamtu ka ni ang: Ka khawsakna hmuna min tinatute leh min hliamtute chu ka ngaidam ang.

6.Vawiinah tu emaw tan thil tha tak ka ti ang,mahse chu thil chu a ruktein ka ti lo vang.Hming lanna tur atan ni hauh lovin,mi dangte tan malsawmna ka nih theih nan.

7.Vawiinah ka chunga an tiha ka duh ang thovin, mi dangte chungah ka ti ang.Tih dan tha leh zawm tlakte chu ka chhawm nung zel ang.Miten ka chunga an tiha ka duh ang thovin ka mi tawh apiangte hnenah ka ti ve ang.

8.Vawiinah mi ka tihlunghnual tawhte kha ka tungding leh ang. Ka nuih dan,ka thusawite leh ka sukthlek danten harsatna nei mekte nunah zangkhaina a siam thei.

9.Vawiinah Ka taksa ka chawm tha ang.Thil ka ei tam lo vang; Hriselna atana tha tur thil chauh ka ei ang.Ka taksa avangin Pathian hnenah lawm thu ka sawi ang.

10.Vawinah Thlarau lamah thanlenna ka nei ang:Vawiinah Tawngtaiin hun eng emaw chen ka hmang ang:"Vawiin atangin hmun fianrial pakhatah thuin ka Thlarau Nun thanlenna atana tangkai tur Lehkhabu thenkhat ka chhiar ang"

(He thuziak hi groupmail atanga lakchhuah a ni.Ed.)