Vaimin Kungah Lamkhuang !!! (Thil Mak)

12/10/2010 20:58

Myanmar , Kalaymyo - Changelzawl khua, Pu Lalngurliana leh Pi Lalremruati te huana an vaimim chin zinga kung khat chu thlalaka kan hmuh ang hian vaimim kungah lamkhuang a rah tlat mai! He vaimim kung hi lamkhung kung hnuaia chin a ni a, hei vang hian lamkhuang a rawn rah ta a ni thei ang em? Science lam thiam takten han zir chiang deuh sela a chhan hriat a chakawm hle. He Vaimima lamkhuang rah hi August 1 Sunday tlai khan an kek ta a ni. Thu hi kan dawnna a rei tawh na’n, thlalak ka nghah rei avangin kan rawn tarlang thei thuai lova, pawi kan ti hle. Thlalak min thawntu Lalhuapzauva , Editor of Chhaktiang Thalai Arsi chungah lawmthu kan sawi e. Ed.