Vai chhan vanga kut tawrh nâ ti

17/05/2010 23:45

Inrinni zana Lungleia Congress thalai kut tuar MZP President VL Kroshnehzova chuan, ‘An kut ka tawrhna hi na ka ti lova, hei ai chuan hnamdang thlavang hauh vanga Mizo pa ngeiin kut min thlak hi a na ka tih lai ber chu a ni. A pawi ka ti a, chutih rual chuan congress thalaiten kut an thlak hi keimah ni lovin MZP President a ni tih hria se ka duh a ni,’ a ti.

Nepal Chowdhury hnenah pawisa an khawn em tih zawhna chhangin, ‘Vai kha cheng khat pawh kan dil lova, a khawsak phung a dik loh avangin thu kan zawt fiah a, a luhlul deuh avangin kan nauten an piai deuh a ni mai a. Dan hnuaia leng vek kan ni a, dan kan bawhchhia anih chuan dan chuan kan chungah ro a rel mai turah ka ngai a ni,’ a ti.

MZP president hi vawiin khan office a la kal peih lova, eptu party thalaite leh CYMA hruaitute pawhin tlawhin, he thil thleng hi an ngaih thiam loh thu leh an rilru pawh an sen ve reng thu MZP president hi an hrilh nghe nghe a ni.

Thulakna: The Zozam Times

Back