Tunge I Nih? (In Infiah Rawh Le)

-R.L.Hmangaiha

Kum 1987 Sunday Time-a an tihchhuah a ni a, lehkhabu te reuh tea siam nawnin bu maktaduai tel an hralh a ni. A kawhmuhna hi ngun takin chhiar hmasa la, zawhna chhan dan tur i hre mai ang.

Zawhna tin chhang vek ang che. Pakhat chauh pawh i chhan kim loh chuan "Tunge i nih " a fiah thei lo vang. I rilrua i pai miah loh thil a lo awm pawhin a hnaivai ber kha chhang mai rawh.

Rilru tluangtlam takin chhang la, nangmah inbum suh.

Zawhna thenkhatah hian Dik/Diklo tia han chhan fak tur a awm lo mai thei a, I rilru put mek kha zawhna hmanga indek chhinna a ni e.

Vawikhat i chhannaah khan i nihna a lang ang a, i rilru i siam that hnuah vawikhat han chhang leh la, hmasawnna duhawm tak i hmu mai ang. Tunge i nih tehreng... khai aw....

Lungawina (I nunah i lungawi nge lungawi lo )

1. I hring nunah khan vanduaina leh hlawhchhamna ten an chimbuai chein i hria em?
2. I tuk thawh rual khan rilru hahnain em ni i ngaihtuahna rawn luah khat nghal?
3. A thuhrimin i chan tawkah i lung a awi em?
4. Engemaw lian tham ni lem lovah pawh ni se, rilru hahna leh beidawn rukna riau i nei ngai em?
5. Khawvel tan thil tha, malsawmna thlentu i ni em?
6. Kan hun tawng mekah hian nausen lo pian belh zel hi tha i ti em?
7. Thil tha leh tha lo zingah i tan bik khan thil tha lo lamin an zuam deuh chein i hria em?
8. Nangmah tea i awm khan thatchhiatna leh dawngdahna thinlung i pu thin em?
9. I hma lam hun tur, a tha dawnin i ring em?
10. Nangmah ngaihventu leh ngainaa hmangaihtu che an awm i ring em?

Tunge i nih? Chhanna Key

Zawhna 3,5,7, 9 leh 10 tan hian “AW ” i tih theih chat chat chuan zawhna pakhatah Mark 2 inpe la, “AIH ” i tih chuan Mark “0 ” inpe ang che. Zawhna 1,2,4,6 leh 8 tan hian “AIH ” i tih chuan Mark “2 ” inpe la, “AW ” i tih chuan Mark “0 ” inpe rawh. Mark 14 chin chunglam i hmuh chuan “Mi hlim thei tak, mahni nuna lungawina nei ” i ni tihna a ni.