Home Minister R Lalzirliana chuan MNF member B Lalthlengliana zawhna chhangin, Mizoram chhungah Tuikuk te district pek tumna a awm loh thu a sawi.
Nimina Chief Minister Lal Thanhawla a awm loh avanga a aiawh Assembly House-a zawhna chhângtu Home Minister chuan, 6th pay chungchanga ZNP member K Liantlinga zawhna pawh chhângin, pay structure hman dan tur ruahman fel a la nih loh avangin pawisa ngai zat tur hriat theih a la nih loh thu a sawi. Non-Plan hnuaia awmte chu Non-Plan sum atangin, Plan fund hnuaia mite Plan fund atang leh CSS a mite chu fun hmuhna atang zela pek an nih tur thu a sawi bawk.
Home Minister chuan, support vehicle atan lirthei 18 lei a nih thu sawiin, Grand Vitara 1, Bolero SXL/4 WD 14 leh Gypsy Hard top (kawngka panga awm) 3 lei a nih thu a sawi. Motor man hi Grand Vitara Rs. 17,23,812, Bolero (1no) Rs. 7,18,119 leh Gypsy (1no) Rs. 6,28,347 a ni a, a vaiin Rs. 1,36,62,519 a ni.
Thulakna: Vanglaini