Tuikuk motor ruahman

17/05/2010 19:18

Home Minister R Lalzirliana chuan Zorzokima, Bungthuam tualthihna avanga Tuikuk tlanchhiate lo kir lehna atan an duh anga motor ruahmansak an nih dawn thu a sawi.

He thu hi Inrinnia Chief Minister-in Press Conference a neih naa Vanglaini palai zawhna chhangin a sawi a ni. R Lalzirliana chuan, "An chhuanlam ber motor hman tur hmuh loh a ni a, chuvangin an duh angin motor ngaihtuahsak phawt tur kan ti a ni," a ti.

R Lalzirliana chuan Mizoram sorkar leh Tuikuk te'n lo let tur zat an chhiar dan inang lo chungchang chu, "Mizoram chhiar dan hi pawm a ni ang," a ti a, Mizoram mi dik tak chauh laklet tur an nih thu leh an khaw mite'n an hriat chian thu a sawi.

Hetihlai hian Tuikuk chhungkaw pariatte chu Inrinni khan Mizoramah an rawn let a, chhungkaw pasarih chu Kaiskau Camp atangin Damdiai-ah, chhungkaw pakhat chu Kaiskau Camp atangin Kolalian-ah an let a ni. May 14 khan Naisingpara Camp atangin chhungkaw pakhat chu Chuhvel panin an kal bawk.

Zarzokima, Bungthuam tualthina avanga Tuikuk tlanchhiate hi Ministry of Home Affairts thurawn angin Mizoram sorkar chuan May 11 atanga lalet turin ruahmanna an peihfel vek a; amaherawhchu Tuikuk lamin motor hman tur an hmuh loh avangin an let thei lo niin a sawi.

Thulakna: Vanglaini

Back