Tuikuk Hel Nia Hriatten Khawl An Hal

06/12/2010 16:41

Mizoram khawthlang lam, Thaidawr kawng laihna atana hman lei laihna khawl (Hitachi) chu Mualthuam leh Thaidawr inkarah nimin zing dar 3 vel khan Tuikuk hel nia hriatte'n an hâl a; a hâltute hi police-te'n an chhui zui mek.

Lei laihna khawl hi Biakliana, Mission Veng ta niin, Mualthuam - Thaidawr inkar kawng laitu contractor, Zopianga, Kawrtethawveng-in a hmansak a ni a; a hâltute hi Tuikuk helte ni ngeia hriat a ni. Lei laihna khawl hi a chhe viau niin an sawi.

Mamit SP, Dingluaia hnen atanga Vanglaini thu dawn danin, he pawi khawihna chungchangah hian nimin khan Kawrthah Police Station-ah FIR thehluh nghal a ni a; Kawrthah SDPO hoin police-te chu a hmunah kalin, an chhui zui a, pawi khawihtute an zawng mek. Kawrthah police-te pui turin Mamit lam atangin 4th. Battalion police eng emaw zat an thawk chhuak bawk a ni.

Thulakna: Vanglaini

Back