Tripura-ah tekin mi 5 deng hlum

01/05/2010 16:18

Tripura state-a hmun hrang hrangah tekin mi 5 a deng hlum a, an zingah hian naupang 2 an tel niin Ningani khan official-ten an sawi.

Nilaini zan khan west Tripura district-a Bishalgarh block-ah unau pahnih, kum riat mi Rajiv Bhoumij leh a farnu, kum ruk mi Sinimalal-te chu an mut laiin tekin a deng hlum a, an nu leh pate pawhin hliam an tuar a ni.

West Tripura district-a Teliamura-ah nu pakhat leh north Tripura-a Kanchanpur-ah mi pahnih chu tekin a denghlim bawk a, midang pakua-in hliam an tuar a ni.

Tunhnaia Tripura-ah hian thli na tak tak tlehin,tek a tla nasa hle. Thlipui tleh vang hian thlai tam tak a chhiat bakah, electric ban leh thingkungte a tlu nasa hle a ni. National Institute of Technology (NIT), Agartala-a physicist, Swapan Bhowmik chuan hmarchhak bial chu tek tlak duhna bial a nih thu sawiin, kumtin tekin tla avangin March leh April thla chhungin mi 100 velin nunna an chan phah thin niin a sawi.

Thulakna: Vanglaini

Back