Tlabung-ah MZP office suasam a ni

19/05/2010 19:41

Nimin tlai dar 3 leh dar 5 inkar khan mi tu tih hriat loh ten Tlabung-a MZP Sub-Hqrs. office an suasam a, thil pawi lutuk khawih ni lo mah se, office chhunga bungraw thenkhat chu kut thlak a ni.

Police atanga thu kan dawn danin, Tlabung MZP office common room, president room leh vice president room-a plastic chair-te chu thehthal a ni a. President room-a file pathum pawh chhuatah thehdarh a ni bawk.

Tlabung OC chuan nimin chawhma khan MZP hruaitute kawmin, buaina lian zawk a chhuah loh nan fimkhur a pawimawh thu hrilhin, boruak tha tak a awm zui theih nan hun engemawchen an titi pui a, an inkawmna atang hian chawhma dar 11 velah tinsanin, hemi hnu hian MZP office susam a nih thu hi an hre leh a, MZP office hi an pan leh nghal a ni.

He thu hriat a nih veleh hian Tlabung MZP hruaitute chuan MZP Gen. Hqrs leh Lunglei Sub Hqrs hruaitute pawh an hriattir nghal a ni. Tlangbung Police-ah FIR thehluh la awm chiah lo mahse, he thil thleng avang hian Police duty tirhchhuah nghal an ni a, MZP office khawihtute hi an chhui nghal nia hriat a ni bawk.

Thulakna: The Zozam Times

Back