Time's Person of the Year atan Facebook Neitu Mark Zuckerberg-a

16/12/2010 01:25

Ni 15 December 2010: American computer scientist, software developer, philanthropist leh khawvel social network lar ber Facebook neitu Mark Zuckerberg-a chu Time Magazine-in kum tin a thlan thin – “Time’s Person of the Year ” atan thlan a ni.

Kum 28-a upa Mark Zuckerberg-a hi khawvel mi maktaduai 500 chuang awlsam zawka inkawm thei tura thlunzawmna zamchhuaktu, chanchin leh ilo inhlui tawn dan thar siamchhuaktu leh kan zavai nun dan thlakthlengtu a nih avangin Time’s Person of the Year atan thlan a ni.

Time-in mipui ngaihdan a lakkhawmnaah chuan Australian journalist, publisher, Internet activist, US sipai lehkha pawimawh pho chhuaktu, Wikileak website neitu - Julian Assange-a chu Person of the Year nihna hlan duhtu mipui an tam hle a, nimahsela, Time Magazine editor-te leh correspondent-te chuan Mark Zuckerberg-a hi an thlang ta a ni.

1^st Runner-up ah Tea Party Political Movement, 2^nd Runner-up ah Wikileak website neitu - Julian Assange-a, 3^rd Runner-up ah Afghan President Hamid Karzai-a, 4^th Runner-up ah “The 33 Chilean Miners ” an tih mai, Chile ram Atacama thlalera rangkachak laitu 33, ni 5 August - 13 October 2010 (ni 69 ) chhung zet leimin vanga leihnuai feet 2,300-a khawsa, nung dama chhanchhuah takte an ni.

Times’s Person of the Year nihna Hitler-a te, Stalin-a te, Ayatollah Khomeini-a ten an lo hauh tawh thin bawk a. Kum 2008 khan US President Obama, kum 2009 khan US Federal Reserve chairman Ben Bernanke-a te thlan an ni.

Chipchiar taka chhiar duh tan:-

https://www.time.com/time/specials/packages/0,28757,2036683,00.html

Back