Thlipui, ruahpui leh rial vangin In sing 1 chuang chhia

02/05/2010 00:58

Tunhnaia thlipui, ruahpui leh rial tla vanga Mizoram chhung hmun hrang hranga in chhe zat chu 10,127 a tling tawh a, mi 4-in an thih phah tawh bawk.

Disaster Management & Rehabilitation Department-in a chhinchhiah dan chuan mimal in chhe zingah in luahtlak loha chhia, in 3,999 a awm a, chei thata luah zui theiha chhia in 6,128 a awm a ni.

Heng in chhe hlut zawng hi Rs. 7578,35,000/- zet nia chhut a ni a, mi 4 an thih bakah chhiatna thleng avang hian midang 11 an hliam bawk a, hliam zinga thenkhat chu damdawi in-a dahluh ngai an ni.

Huan thlai chinna ram Hectares 1987 chhia-in, heng thlai hrang hrang chhia te hlut zawng hi Horticulture Department chuan Rs. Nuai 144 vel niin an chhût a, Power & Electricity Department bungraw chhe zat hlut zawng pawh Rs. Nuai 641 a tling bawk.

Thulakna: Zothlifim

Back