Thli leh ruah vangin In 6807 chhia

Tunhnaia ruah leh thli-in Mizoram chhunga In a tih chhiat, vawiin thlenga report dawn tawh chu 6807 a tling tawh a, heng zingah hian In 481 chu a chhe vek a ni.

Disaster Management & Rehabilitation Department-in a chhinchhiah danin nimin thleng khan In chhe vek hi 481 niin, nasa taka chhia hi 1565 a ni a, a thenlai chhia chu 4761 a ni. Heng In chhia zingah hian sorkar building 19, Biak In 15 leh Hall, VC In leh In pawimawh dang engemaw zat a chhe tel a ni.

Nimin thlenga report dawn tawhah hian he thli leh ruah avang hian mi pathumin nunna an chan tawh a, mi 6 na takin an inhliam bawk a ni. Report hi a la luh belh zel avangin a zat dik tak hriat theih a la ni lova, tun dinhmunah Aizawl District chuan a tuar nasa ber a, In 1717 zet a chhia a ni.

Heng In chhia te tanpuina atan hian central lamah tanpuina dil turin sorkar-in ruahmanna a siam mek nia thu dawn a ni bawk.

DISTRICT HRANG HRANGA IN CHHE ZAT

DISTRICT      CHHE VEK           CHHE NASA          TLEM CHHIA        TOTAL

Aizawl              35              362                  1320             1717
Lunglei            85               165                  1105             1355
Saiha                17               150                   354               521
Kolasib            68                156                   280               504
Serchhip         87                  0                     638              725
Mamit              95                474                  564              1133
Lawngtlai         21                  51                    179             251
Champhai       73                 207                   321               601
Grand Total   481               1565                4761              6807

Thulakna: The Zozam Times