Thil Man Sang Committee Inkhawm PM-in A Ko

09/04/2010 00:28

Nimin tlai khan Prime Minister chuan thil man sang chungchanga Chief Minister-te Committee inkhawm a ko. Hetih lai hian Left Party-te chuan sawrkar policy dik lo an tih leh sawrkarin nitin mamawh thil man sang a control thei lo tia ram pum huapa lungawilohna lantirna an kalpui mek peng pakhat atan New Delhi-ah lungawilohna an lantir.

Prime Minister chuan thil man sang hi lungawilohna lantira tihhniam emaw harsatna hi chinfel chi a ni lo a ti. Sawrkar laipui chuan February thla khan thil man sang chungchang lo thlir a, a check dan ngaihtuah turin state lian 10 Chief Minister-te leh Central Minister-te telna Committee a din a ni. Chief Minister-te bakah Finance Minister Pranab Mukherjee, Food and Agriculture Minister Sharad Pawar leh Planning Commission Deputy Chairman Montek Singh Ahluwalia te member an ni.

Thulakna: Mizo Aw

Back