Thenawm

- Zalianthanga

Thenawm khawvengte azir hian kan nuamin kan nuam lo thei a, innel tawna thil awmzia, inrawn tawn thiam a tul tak meuh a ni. A chhan chu ngaimawh thama kan ngaih lem loh thil te nau tham deuh pawh hi thupui hlapuiah an vui hmui an pu lian thei a, mahni lam chauh ngaihtuah lova, thenawmte ngaihsak thiam hi rilru hriselna leh zai khata awmhona tha tak a tling a ni.

Thenawm do aiin khaw sarih do

He thufing hi fip taka ngaihtuah chian chuan ril tak a ni. Thenawm neih fuh loh hi chu chaw eite pawh a tui lo phung thei a. Mihring hi tumah hma lam hun kan sawi thei lo va, kang mei leh rikrum thilah bawihsawm tul chan a lo awm thin. Chutah chuan chhungkhat unaute chu lo nei hnih thum deuh mah ila, pawimawh thilah kan bul hnaia an awm tlat loh avangin thenawmte hi kan pun hmasa ber thin a, dah pawh kan purchawkna ber a ni a, a tul ang angin kan inpui liam liam thin a ni. Hei hian thenawmte hi kan laina hnai berte an ni, an tih thin hi a chian lehzualna chhan chu a ni.

Hmanrua ban chungchang

Eng emaw thilah remchan loh thut a awm thin. Therhlo inban thuhlaah pawh hian fimkhur a tul hle. Hmarcha, chiseh, chhitui {tel}, nghapih, adt.. hi kan puk a nih pawhin remchan hun hmasa bera rulh leh theih ni se, a hahdamin a hnu leh atan pawha ko ritu tak a ni. Ara, tuboh, istiri inhawh tak ngialah pawh hian thenkhat chuan ta neih ang hrimin an lo kawl deuh reng thin a, hman zawha pek let leh hian a tu tan ve ve pawh thil tangkai tak a ni. Theihnghilh tlangpui chu a awm nameuh mai, inthlahdah vanga kan buai phili hi a tam zawk hial awm e.

Bawlhhlawh paih

Pheikhawk thar deuh pawh hi a awmna tura a awm loh chuan a hnawksak tlat thung. Eng emaw thil funna leh hman tawh loh neuh neuh kan lo paih a nih pawhin a hun leh a hmun hriatthiam a tha hle. Artui heng ringawt pawh ramri pela an lo paih hian ngeng a chhun nghal mai thei a ni lawm ni? Engpawh ni se, in tinin bawlhhlawh bawm neiin chu tah chuan paih mai ila, hriselna atan pawh a tha hlei hlei a ni. Hmun fai lai taka kuhva tui, kan pik sen puat puat hi chu a zia lo lam hret zawng a nih hi! Ran thi, tui thli leh thil uih thei reng reng pawh, phum bo theih thil an awm nual ngei ang le.

Ramri inchuh

Ramri inchuha a ruka nek hret hret sawi tur an awm a ni mai thei. Pal hung thuhlaah leh ramri siam thilah pawh hian thenawmte leh hriatpuitu tute emaw pun thei ila, a tha khawp mai. Pal hung chung

zawna dithlifarfem (rangva) lawr chhen pawh hian thenawmte lung kan ti awi lo thei a ni. Tui hawk luan kawr-a, a luan dan thuah pawh thenawmte harsatna kan siam thei a ni. Tui rim chhia luanna mumal lohna avangin thenawmte chu sawi loh veng chhung thlengin boruak tha lo kan siam thei bawk. Ramri vanga innghirngho hi ram leh ram, hnam leh hnam, khua leh khua, veng leh veng, leh thenawmte thleng hian sawi tur a awm fo reng a ni.

Huan hnai ber thenawm

Thenawm fel neih chu pianpui unau aia nghet zawk pawh a awm thei ang. A thlum a al eiza, hnathawh inlawm a, eiin thuah pawh kan neih tawka thil inhleh, chaw ei-lawm, eng emaw inpek tawn thiam thenawm kan nih chuan veng nuam kan siam tihna a ni ang. Thenawmte hi kan duh vanga lo awm an

ni lova, duh zawng lah a thlan theih bawk hek lo. Khuarel, leh mihring relte pawh a ni fahming. A eng pawh chu lo ni se, a theih ang tawkin thenawm nuam i siam ang u hmiang, tih hi kan au hlaa chu a ni e.