THANGTHAR TAWNG MIN ZIRTIR TEH U

20/03/2010 01:19

- Naupang Ninhleia

Tunlai khawvelin a ken tel ka ti dawn nge – tunlai thangtharten chatting a an tawngkam hman,an ziak dan vel zawng zawng hi!?Kei pa mawl hi chuan ka hrethiam pha mawlh lo...Ka hmanlai ta deuh em ni aw,tiin ka ngaihtuah neuh neuh thin.

Mi thenkhat-in an thusawi engmah ka hriat theih map lo tur khawp tawngkam an rawn hman chang te hian ka buai nasa mai thin.Kei hi zawng chatting leh sms naah pawh Mizo tawng ziak dan dik ngat ngaina mi ka ni a.Mahse,thangthar zawkten an lo uar vak tawh lo a nih hi!!!

He’ng “ge th a” , “aizol...ne xr th a...” adt. an rawn hman ringawt pawh hian keia buaina tawk chu a tling.Tunlaia an uar em em “lolz...lols” tih te hi an hmanna chhan atangin a chhan ka lo la ve ringawt a – “ka nui..., fiamthu a nia thinrim suh....thinrim awih loh....adt” tihnaah hian an hmang thin niin ka hria.Mahse,thianpa Lawma’n , “International chatting tawngkam a nih hi,hei te hi chu an hmanna a rei tawh. Lot of laught tihna a nih hi” tiin min chhang.

A....englekhawle,Mizo tawng piah lamah hian Mizo thangthar tawng te hi a awm a nih ngei ka ring.Ti teh u, thangthar tawng min zirtir teh u – kei mi mawl hi!!!