Thangthar leh Mobile

19/12/2010 02:54

Nielsen report-in Brazil, Russia, India, China, Vietnam, Germany, Spain, Italy, UK leh US thangthar kum 15-24 mobile phone hmangtute dinhmun a tarlan dan tlangpui chu hetiang hi a ni.

US kum 15-24 inkar mobile phone hmangtu 33% chauhin smartphone(mobile phone changkang ) an hmang. Kum 15-24 mobile hmangtu zat atanga chhutin Italy chu smartphone hmang tam ber a ni a (47% ), India chu smartphone hmangtu tlem ber a ni(10% ).

US smartphone hmangtu 55% chu hmeichhia an ni a, ram dangah erawh smartphone hmangtu tam zawk chu mipa an ni thung.

Chinese thangthar mobile hmangtu 73% chuan an mobile atangin Web an lut thin a, China mobile atanga Web lut tam ber a ni. America chu pahnihna niin, 48% chauh a ni thung.

American thangthar kum 13-17-in text/message/sms an uar hle a, thla khatah mi pakhatin text/message/sms an thawnchhuah leh dawn zat chu 3,339 a ni. Chumi awmzia chu darkar khatah text/message/sms 6 aia tam an thawn chhuak/ dawng tihna a ni.

Mipa aiin hmeichhia-in text/message/sms thawn leh dawn an uar zawk a, chawhrualin thla khatah mi pakhatin text/message/sms an thawnchhuah/ dawn zat chu 4,050 a ni.