Red Shirts-hovin Bangkok khawpui hmun pawimawh lai ber an luah tlatna hmun atanga hnawh darh nan Thailand thuneitute chuan zanlai ( Nilaithawhtanni 12:00 a.m.) atangin an awmna hmun chu power , ei leh in , tui , telephone lines leh lir-thei vakvei chenin an kharsak / dang chat dawn a ni.He lai hmun vela mihring lut-chhuak chungchangah pawh an khirh hle ang.Hei hian a tul dan azirin chawlhkar 6 chuang a awh mai thei.
Thailand sorkar chuan heti lo pawh hian tihdan dang , a tul chuan tharum hmang pawha hnawh darh an tum thu a sawi a.Nimahsela, a theih hram chuan tharum lo leh thisen chhuak lo zawnga tih hram tum a nih thu a sawi. by Prime Minister Abhisit Vejjajjiva-a chuan Red Shirts-ho chu an awmna hmun a tang kal darh a, an in theuha haw turin a ngen nawn leh a. Chuti a nih loh chuan November thlaa inthlan that lehna buatsaih a lo tiam chu neih a nih leh loh dawn thu leh, a tul dan azira sorkar chuan loh theih loha a hnawh darh tho tho tur thu a sawi.
Hetih lai hian Red Shirts-ho chuan an awmna hmun chu an chhuahsan mai loh tur thu leh hetianga sorkar dinglai thiltih hian inremna leh muanna lam aiin thisen chhuahna lam a hrechhuahpui tur thu an sawi ve bawk. Red Shirts-ho hian Thailand security force-ten an rawn nawr a nih vaih chuan an beih let ve ngei ang, tiin an inhrosa ve bawk.
Thulakna: CNN , VOA