THAILAND-IN EPTU PAWL RAL-BEIH-MOTOR-IN HUAL DAWN

13/05/2010 18:23

Red Shirts-hovin Bangkok khawpui hmun pawimawh lai ber an luah tlatna hmun atanga hnawh darh nana Thailand sorkarin zanlai ( Nilaithawhtanni 12:00 a.m.) atanga an awmna hmun power , ei leh in , tui , telephone lines leh lir-thei vakvei chenin kharsak / dang chah a tumna chu a thulh leh rih.

Thailand Security Force chuan eptu pawl / Red Shirts-ho awmna hmun hi ral-beih-motor hmanga hual tumin an inpuahchah a, ni 13 May 2010 – nilaithawhtanni 6:00 pm ( 1100 GMT) ah hual tan tum a ni.Helai hmun vela tang hian a chhuak duhte tan chauh chhuah phal a ni ang a, a lut lam erawh phal a ni lo thung ang. 2006-a sipai chakna hmanga paihthlak tak Thailand PM hlui Thaksin Shinawatra-a lam tang Red Shirts-ho hian 14 March atang khan Bangkok khawpui hmun pawimawh lai ber hi an luah tlat tawh a ni.

Hetianga Thailand sorkarin Red Shirts-ho hual a tumna hi eptu pawl lam chuan thisen chhuahna bul tan tura hmalakna a ni, an ti.An hotu ber zinga pakhat chuan sorkar ral-beih-motorte chu anmahni lam zawkin an hual zawk tur thu sawiin, a vo ve bawk. The BBC's Rachel Harvey in Bangkok chuan Thailand-ah hian thisen nasa tak a chhuah mai theih thu a sawi.

Thulakna: BBC , CNN , Al Jazeera

Back

Comments

Date	13/05/2010
By	Editor
Subject	Puak Ri Hriat A Ni Ta

Security Force chuan a hual ta... Silai leh puak thei dang ri hriat a ni. Eptu pawl - Red Shirts hotu lu ber pakhat - Seh Daeng-a tia hriat lar Khattiya Sawasdipol-a chu kah a ni.