Synod in mahni anpui kawpte chungah hremna a lek dawn
Mizoram Presbyterian Kohhran thuneitu sang ber, Synod Executive Committee thutkhawm vawi-229 na chuan, mahni anpui kawpte chungah hremna a lekkawh zel ni tawh se tih an rel.
June ni 1-3, 2010 chhunga SEC meeting hian an kohhran huam chhunga mahni anpui inkawpte chu kohhran serh leh sang leh chanvo hrang hrang bakah, Lalpa zanriah sacrament chan thlengin khuahkhirh tawh nise an ti a. Mahni anpui kawp chungchang hi Synod chuan hun rei tak chhung an lo zirchian tawh hnuah, hetianga mahni anpui kawp nia hriat chiante chu kohhran dan hmanga hnawhchhuah (phuar) zel ni tawh se tiin thutlukna an siam ta a ni. SEC hian mipa leh mipa nupa anga awm te, hmeichhia leh hmeichhia nupa anga awm te chu thla ruk chhung kohhran atanga hnawh chhuah an rel a ni.
SEC meeting hian Serampore College tanpui nan Rs. nuai 10 pek nise an ti a, Durtlang Presbyterian Hospital a dah atan CT Scan lei nise an ti bawk. SEC meeting hian Rev C. Chawng-liana Moderator Mizoram Synod chuan a kaihruai a ni.
Thulakna: The Zozam Times
Comments
Contact
Search site
NGAIHDAN
Ngotekherh Puanchei
Puandum Hmaram
THU KAM HNIH KHAT
TLAWHTUTE
MIZO LEH ENGLISH THUFIAHNA
