South Korea-ah Internet Curfew

03/12/2010 21:55

Internet game atchilhna tihbo tumin South Korea chuan Internet curfew dan siam a tum mek.

“Cindrella ” tia an koh mai he Internet dan hian kum 16 hnuai lam reng rengin zing lam dar 12 atangin dar 6 thleng online game an khawih tur a ni lo a, Internet service providers (ISPs ) –in he hun bithliah chhung hian kum 16 hnuai lamte tan online game a pe chhuak tur a nih loh thu a keng. He dan hi parliament-in December thla ngei hian a pawmpui beisei a ni.

South Korea skul naupang tam berte chu zan lai dar 12 thleng Skulah an awm a tul thin avangin, he dan hi pawm a nih chuan South Korea naupang tam berte tan chuan online game khelh hun a awm tawh lo tawp ang a ni ang.

South Korea-ah hian online game atchilhtu an tam hle a, sorkarin a chhut danin mi maktaduai 2 velin internet online game an atchilh a ni. Hemi nghawng hi South Korea chuan a tuar nasa hle a, chuvangin he Internet curfew dan zam tumna hi a lo chhuak ta a ni.

South Korea-ah hian February thla khan kum 32-a upa pa pakhat chu internet dawrah chawl lova ni 5 chhung online game a khelh avangin a thi. Kum 15-a upa mipa naupang pakhat pawhin computer khawih a chawlhsan loh avanga hautu a nu a lo that tawh bawk. He pa hi amah leh amah a intihlum zui nghe nghe a nih kha! Nupa tuak khat pawh online lam thil buaipui luatah an fa hnute tui pek an theihnghilh a, nausen chu riltamin a thi a ni.

Thulakna: The Korean Times & Fox News

Back