SMS Khual Thuthang, Inbumna Lakah I Fimkhur Ang U

01/12/2010 23:23

- Himtea

Vawiin (ni 1 December 2010 ), dar 2 vel khan bazaar ka kal laiin, number hriat loh pakhat hnen atang SMS ka dawng a, a thu chu hetiang hi a ni: - “Tun atanga darkar 12-ah Orissa, BJP ah pastor 200 thah an tum a, i tawngtaisak ang u. I thian Kristiante hnenah he thu hi forward rawh. He thu hi tukin zing dar 4-a thiante hnen atang ka dawn a ni a, darkar tam hun kan nei ta lo ” tiin.

Hmanhmawh leh hlauthawng tak, tim deuh uaih uaih chungin chu SMS chu thian tha 4 hnenah ka thawnchhawng a, chu’ng zingah chuan pastor pakhat a tel nghe nghe. Anni pawh chuan ngaihven tak leh dilchhut takin min rawn zawt chiang a, kei chuan chanchin chu nemngheh ngam a la nih loh thu leh ka online hman velah ka chhuichian a, chanchin ka hrilh leh thuai tur thu ka hrilh a.

Inah hmanhmawh takin ka haw a, Online atang theihtawp chhuahin ka han ngaihven a, ka han zawt kual vel a, phone atangin thiante ka zawt kual bawk a. Chhairaw! SMS khual thuthang, inbumna lek a lo ni leh pek! Chuti a lo nih tak avang chuan hmanhmawh takin thiante hnenah Orissa chungchang SMS lengvel chu dawt a nih thu ka thawn chhuak leh ta vat a.

Hetiang SMS Dawt lengvel hi a awm leh zuai thin a, hetiang lakah hian i fimkhur ang u khai...

Back