Serchhip-ah Cultural Festival Neih A Ni

08/12/2010 19:05

Nimin khan Serchhip Field No.2-ah YMA Sub-Hqrs bultumin Cultural Festival hun hlimawm tak hman ani a, he hun hmannaah hian District Bawrhsap Pu H. Darzika chu khuallian niin Pu Ngurbiaka, Jt Director Art & Culte Dept. chu khualzahawm a ni. He Cultural Prog hi Pu Vanlalhluna Organising Comt Chairmanin a kaihruaia, Pu Lalzuiliana President YMS Sub Hqrs chuan inlawmna thu a sawi bawk. He hunah hian Cultural item hrang hrang – Cheraw, Sarlamkai, Darmani zai, Chawnglaizawn, Par lam, Costume parade, Tlang lam etc. te entir a ni a. Cultural show nei tur hian Serchhip khawchhung bakah khawpawn atangin YMA Branch thahnem tak an rawn kal a ni.