Sepaktakraw leh Judo team te MSSC-in Lawmpui

Jodo Team

Nimin (Thawhtanni ) khan Mizoram State Sports Council chuan Junior National Judo Championship, 2010 (Boys & Girls ) Koramangala, Indoor Stadium, Bangalore-a medal 7 rawn hawntu Mizoram Judo team leh 4th Federation Sepaktakraw Cup, 2010, Mandi, Himachal Pradesh-ah gold medal leh bronze medala dawngtu Mizoram Sepaltakraw team te lawmpuina hun a hmang.

 
November 25-28 chhung khan Bangalote-ah Junior National Judo Championship 2010 neih a ni a, Mizoram tan Lalnunpuia chuan -55 Kg-ah gold medal dawngin Vanlaltluanga chuan -60 Kg-ah gold medal a dawng bawk.

Sepalktakraw Team

Lalhumhimi chuan -52 Kg-ah silver medal a dawng a, Lalhmuzuali (-44 Kg), Lalrinchhana (+81 Kg), Lalrintluangi (-57 Kg), Lallawmzuali ten bronze medal an dawng bawk.

November 27-28, 2010 chhung khan 4th Sepaltakraw Federation Cup chu Mandi, Himachal Pradesh-ah neih a ni a, India rama top 18 inelnaah Mizoram Sepaktakraw team chuan doubles-ah gold medal dawngin Regu-ah bronze medal an hlawhchhuak bawk.

 
Mizoram team hian regu event, pathumna inchuhnaah Andra Pradesh 2-0 a hnehin Bronze medal an dawng a, doubles final-ah Nagaland hnehin gold medal an dawng bawk.

Mizoram team lawmpuina hun hi MSSC Sr.Sports Promotion Officer Pu C.Laltlanthanga chuan kaihruaiin MSSC Vice President Pu Ramzauva leh Jt.Secy Pu C.Lallawmsanga bakah Mizoram Judo Association Sr. Vice President Pu Lalhruaitluanga leh Mizoram Fencing Association president Pu Biakthianghlima ten fuihna thu leh lawmpuina thu an sawi bawk.

MSSC Vice president Pu Ramzauva chuan Mizo infiammite tlakchham ber chu fitness a nih thu a sawi a, kan infiammiten fitness ana tlakchham hin avangin an nih tur ang an ni phak lo fo niin sawi.

MSSC Jt.Secy Pu C.Lallawmsanga chuan “Mizoten kum kan eiru a, ka insawi upa hin. India pawh khawvela a lan phak tak tak lohna chhan a ni a, hei hi kan mutan a ni mek " tiin " Kan insiamhat thuai a ngai a, Sports Association zawng zawngin dik taka kan kalpui a hun tawh " a ti bawk.

Asian Games 2010, Guangzou-a India Sepaktakraw team-a tel Lalhlimpuia chuan, " Kan inbuatsaihna a ha tawk lova, ram dang angi inbuatsaih ha ila kha ti em em khan kan che chhe lo ang. Japan, China leh Malaysia te kan hneh lo vek a, keimahni ngei pawhin kan la na lova, mak pawh kan ti hek " a ti. Hlimpuia chuan, " Nakkum hian Sepaktakraw World Cup a awm dawn a, National Games a awm dawn bawk a, Mizoram team chungah beiseina sang tak ka nghat a, world cup-ah pawh Mizo players 5 tal tel theih ngei ka duh " a ti bawk.