SADC-in Parvon Rs.800000 Man Man

03/11/2010 01:15

YMA Sub.Hqrs. Lunglei Anti Drugs Squad (SADS) ten Zawlneihkhama (57) S/o Lalchuangkhama (L) Tlabung Zodin hnen atangin Parvon Spas Capsules 16000 (Boxes 80) an man a, Lunglei Local rate-in Rs.8,00,000/- man a ni.

SADS Commander Pc. Biakthanmawia chuan an man dan hetiang hi a nih thu a sawi.

1.11.2010 khan report hrang hrang kan dawng a, chawhnu Dar 2 velah rinhlelh zawng kan hmu ta a, kan zui ru zel a, Lalthlawnpeka (36) S/o Lalhmahruaia (L) Driver, Serkawna awmte Inah kan chhuilut ta a, a fimkhur em avang leh chiang taka kan hriat loh avangin rei fe kan nghak a, zan Dar 6:30 velah chuan Lalthlawnpeka te Inah lutin mi-khual an neih leh neih loh te kan zawt ta a ni.

Anni chuan ‘Nei lo’ tiin min chhang a, kan ringhlel zual a, tlaiah pawh chaw an eiho ngei tih kan chiang si a, Room en kan dil a, Search Warrant an phut ta a, mi-khual an nei chiang a, Damdawi pawh a nei tih a chiang a, mikhual an neih thu pawh an zep tlat danah anmahni pawhin an hriatpui a ang ta hle a ni.

Thuneitu lam kan bepawp ta a, Search Warrant kengin thuneitute chu zan Dar 9:30 velah an lo thleng a, tichuan Lalthlawnpeka mikhual Zawl-neihkhama Bag-ah chuan heng Damdawi hi hmuhchhuah a ni ta a ni, Serkawn YMA te leh mipui pungkhawmten Lalthlawnpeka chet dan hi mak an tiin SADS Duty te min fak ve hle.

SADS a din hnuah mi pakhat ta tumkhata an man tam ber a ni.

Back