Rul Chuk Enkawl Dan

Mizoramah hian rulchuk kan tamin, thihpui pawh kan ta hle mai. Thi lo pawha ban leh ke tan phah an awm teuh ta mai. Kan ram hi rul chitin reng, Rattle Snake leh King Cobra tih loh chu an awm deuh vek mai niin a lang. Kan hriat lar leh mi chuk tam deuhte chu Rultuha, Chawngkawr, Rulrial, Rulmuk leh Rul-hlaite an ni bera. Rul hian tur chi hnih a nei a. Heng kan sawi ho hi chuan taksa a ti

chhe lova, thluak chhunga thawkna controlte headquarter a thlen hunah a ti zeng(paralyse) a, an thaw thei lo va, engmah hre lo (Unconcious) in an lo awm thin. Rul chi dang Rulngan hi chu a danglam bik a, atur hi haemolyitc an ti a. Ril, chuap leh lungah a khawih a, a ei chhe nghal a ni. Zoological taka then sawm a, ‘eng rul chi nge?’ tih buai vak ai chuan kan hriat tur tawk hi hria ila- Rulngan tih loh hi chu a tûr a inang vek a - mi tizeng chi vek an ni a. Rulngan hi chu a turin taksa a

eichhe thung a ni.

Rulngan hi Rulhlai nen kan hre hrang lo fo a, Mawlmang deuh taka hriat hran awlsam dan ber chu - a ka han keu ang la, Rulngan chu a ngho hi zum lutuk lovin ui ngho ang hian a rawn ngil thla zar mai ang. Rulhlai erawh chu a kawm ang a, a ding lamah a kual lut ang. A rawng hi chu an upat dan azirin a danglam zel a, a rawng atang chuan hriat hran chi vak a ni lo. Mahse, Rulngan hian mihring awmna a hnaih ngai lo tih hriat erawh a tha( Zu an rui a nih loh chuan). Tin, Rulngan diktak chuk hi ana em em a, kan tehkhin ber chu Electrict Shock na tak a ang ber a, ke a a chuk anih chuan pen 5 pen zo an awm lo! Tin, a chuk atanga minit 5 chhungin a duk dum vek ang a, kalpui chi a ni tawh lo. Damdawiin an thlenglo tlangpui. Darkar chanve bak an dam ngai lo, 5% chu an dam ve thei. Tin, Mizoram rul reng reng hi tûr nei lo an awmlo ni in alang Changpat lian deuh ang mai rul Chhawknghawl kan tih, aka hmuh hleihtheih mangloh pawh hian naupang pakhat chu a chuk hlum ve tawh tlat a ni.

Rul-dâng hohi an chuk ana lo va, Hriau a chhun zeuh emaw, rin ang leka na a ni thin. Tin, thluak atanga a chukna ahlat leh a thawk har a ni mai a, eng rul pawh nise, Nghawng leh lu a a chuk hi chu thih nghalna a ni deuh vek. Mahse, Rul chuk 99% hi chu kut leh ke a ni deuh zel. Ke hmawr a nih chuan darkar 6/7 hnuah a lang chauh thei a ni. Kan hriat tur chu, a chuk veleh hren khalh a blade emaw, chemte emaw a zai zau belh a sawr tur a ni. Mizote hian rul chuk damdawi kan hre hnem hle a, a tlangpuiin a tur hip chuah chi vek ani a. Entir nan:Ar mawng, tengtere, dawl, Changel, Samakki, di hnah-a tawnkhalh etc. A atha ber chu mautheite siam a hip a ni. Loh theih lovah chuan hmuia hip loh tur. Rul chukka hriattur pawimawh chu zai hawn belha, sawr chhuah a ni. Thawk har leh engmah hre loa an awm chuan an la thi lo tih hriat tur a ni a, damdawiin in pan pui vat tur a ni. Tunah chuan khawl, thawk tirtu a awm tawh a, a hun taka enkawl chuan thihna chhan tur a awm lo.Tin, Rulngan tih loh rul dang zawng zawng ho chuk hi a tur hi taksaah ni ruk chhung a châm a, chuvangin ni 6 chhung chu thih theihna chance a awm reng tih hriattur. Armed veng a mi, kum 2000 vela rultu-ha chuk pawh a nirukna, darkar rukin a la pel lova, thaw theilo in a lo kal a, kan chhan thei ta lo ani. a hma ninga chhung kha chu a hna ngai a thawk reng tho. Tunah chuan khawltha, khawl a thawkna (Respirator) te a lo awm ta a. Rul chuk vanga in thihtir loh hram tum tawh ang u. Ban, Kut,ke, châwn emaw a vung nasa ta lutuk leh mar lutuk emaw anih chuan a puar lian laiah zai hawn tur ani, zai hawn anih loh chuan kut leh ke a tawih thei a, tawih pawh an awm teuh tawh a ni.

Kan hriat atan tha chu, Rulngân chauh lo chuan puan pantê pawh a chuk tlang thei lo tih hi. Vai ho pawhin an rul, puan nemtê a an khuh chhan chu a chuk tlang theih loh nan an ti a ni. Rul chuk hi Allergy anga enkawl tur a ni a.

Thingtlangah chuan a rangthei ang bera injection Steriod 1amp IV, 1 amp IM leh Avil 1amp IV leh 1 amp IM pek a, antibiotic injectable pek a, drip pawh pek tel tur a ni. Na leh engmah chhia leh tha hriatna an hriat loh chuan khingte khian chiu tur, niruk chhunga thawk harsa deuh leh insawiselna te an neih chuan damdawiin rang taka panpui nghal vat tur a ni.

Thulakna: Champhai Vengsang YMA Chanchinbu (10.10.10)