REV ZAIREMA WEBSITE A PIANCHAMAH HAWNG

05/03/2010 15:16

VANGLAINI : Zairema Memorial Committee chairman, Rev C Vanlalhruaia chuan nimin khan Rev Zairema (L) puala website an siam, www.revzairema.com a hawng.

Nimin kha Rev.Zairema (L) pianchampha vawi 93-na a ni a, Zairema Memorial Committee chuan a lawmna hun an buatsaih. He hun hi Zairema Memorial Committee Secretary Rev. Chuauthuama'n a kaihruai a, Rev Zairema website-ah hian Rev Zairema sulhnu leh chanchin, a sermon leh a lehkhabu ziahte pho lan a ni.

Rev Zairema pian champha pual hian a tu leh fate chuan, Aizawl Theological College-a vawn that atan a lehkhabu hrang hrang 2,000 chuang an hlan a, hei bakah hian Rev Zairema computer hman tthin leh a thutna chair pakhat an hlan bawk.