Nizan hmasa dar 6:30 p.m.velah khan B.Malsawmdawngkima, 21 s/o Pu B.Daniala, Ex.President, Central YMA, Ramhlun South chu an nupa indan chhungah hnam hruia inawkhluma hmuh a ni a, nimin khan an veng thlanmualah vui a ni.
B.Malsawmdawngkima hi kumin May thlaa nupui Maggie Lalrinengi nei a ni a, fa an la nei lo a ni. Open School-a Class XII zirlai a ni a, a inawhhlum chhan ni berawma lang chu a pa Pu Daniala chuan “Lehkha zir turin ka nawr nasa deuh a, a rilru a hah a ni ang” a ti niin hriat a ni.
Nimin zing dar 6:00 rik hma vel khan Tv.Fakzuala, 39 s/o Upa Tlangchhunga (L) chu anmahni khum pindanah nylon hruia inawkhluma hmuh a ni a, amah hi tun hnaiah piangtharin zu a nghei a, chuvang chuan a buai deuh thin a ni. Buai chang a neih avang hian a chhungte pawhin an vengin an riahpui a, a karlakah a lo inawkhlum a ni. Nimin khan Zarkawt thlanmualah vui a ni.
Thulakna: Mizo Aw