"PU R.VANLAWMA LEH KEI" TLANGZARH

25/02/2010 05:27

MIZO AW : Nimin khan Pu C.Chhuanvawra ziak "R.Vanlawma Leh Kei" chu Minister Pu S.Hiato chuan Aizawl Press Club-ah a tlangzarh. He lehkhabu hi phek 136 a ni a, Rs.80 man a ni. History lam thila an inhnialna a ni a, Pu R.Vanlawma awm lo mah se a damlai thil a ni a, amah pawhin a hmuhpui vek a ni. Mi pahnih inhnialna ni mai lovin Mizo hnam history a ni. A bu chhung thu thliru Pu H.Lalrinfela, (Mafaa Hauhnar) chuan a zirtlak a, a bengvarthlak a, a chhiar a nuam bawk a ti. Minister chuan thuziak hian mi rilru a hruai nasa a ni tiin thu ziaktute an fimkhur a pawimawh thu a sawi.