Dated 8.11.2010 dar 6:30 P.M. khan Kulikawn PS ah telephone in report dawn a ni a. Lalhlimpuii @ Abawihi (5yrs) D/o Daniala, Muallungthu chu hemi ni vek tlai dar 3:00 P.m. velah mi pakhat in Muallungthu thlanmual lama a hruai thlak thu leh a hruaitupa hi ngo lam, ft 5’5” vela sang, kawr hring leh kekawr dum ha, Burma mi a nih thu dawn a ni a. Tichuan 7:30 P.m. velah SDPO Aizawl South leh OC Kulikawn PS hovin Kulikawn Police engemawzat chu Muallungthu panin an kal nghal a.
Muallungthu khawtlang leh khaw thenawm hnai tlawmngai te nen theih patawpa an zawn hnuah Lalhlimpuii ruang hi Muallungthu dai Darnam Lui leh Aisih infinna thlangah zinglam dar 12:43 A.m. ah (0043 hrs of 9.11.2010) hmuh a ni. Police leh Forensic staff ten Inquest leh thil tul dang anti nghal a. Lalhlimpuii hi pawngsual leh thah niin, pawikhawihtu ni a rinhlelh ‘Chunga’, tia hriat Burma mi chu zawn chhunzawm nghal char char a ni.
He tualthah leh pawngsualna a inhnamhnawih Vanneichung @ Henry 25 yrs S/o Chungling, Tan - bu, Kalemyo District , Burma chu tukin Dt. 9.11.2010 @ 6:00 Am vel ah Sateek khawlai a a thingek lai, a mah hre tu ten manin VCP Sateek kutah an hlan a, VDP Sateek hruaitute nen a sahimna ngaihtuah in Police an phone nghal a. Police Plaincloth a duty tlaivar mi 4 (pali) te chu Sateek an thleng ve nghal a. Hetih lai hian mipui thinrim engemawzat an lo pungkhawm tawh a, khaw thenawm atang te pawhin an lo thlen belh zel a. Sateek khawtlang hruaituten mumal takin Muallungthu khawtlang hruaitute hnenah Henry @ Vanneichung hi hlan a nih hnu ah zingdar 7:30 Am velah Muallungthu lam pan in Sumo ah phurh a ni a. Motor leh Two Wheeler engemaw zat a zui a ni.
Henry @ Vanneichung man a ni tih hriat veleh Kulikawn PS atangin Police engemawzat Sateek lam panin an kal nghal vat a. Tichuan, Henry @ Vanneichung rawn phur pheitu mipui te nen chuan Tachhip khawhnuaiah an in tawk a, mipuiten Police hmel an hmuh veleh Henry @ Vanneichung chu a chuanna Sumo atanga phihthla in an chil zui ta a. Theihtawp a Police te an inrawlh hnuah Muallungthu khawtlang hruaitute nen inbia in Aizawl lam panpui nghal a ni. Muallungthu khawchhung an thlenpui hnu (dar 8:30 Am) hian khawtlang mipuiten Police motor engemaw chen an dang bet a.
Muallungthu khawtlang hruaitu te nena inbe leh in dar 10:20 Am velah Muallungthu chhuahsanin Aizawl Civil Hospital pan pui nghal a ni a. Henry @ Vanneichung hi a hliam tuar lovin Hualngo Hmun khaw hnuai phei a tlanpui anih laiin dar 10:35 Am bawr velah a boral ta a ni. Tichuan, dar 11:30 Am velah Civil Hospital thlenpui niin Morgue House ah Inquest leh Post Mortem Examination tih nghal a ni. He thil thleng chung chang ah hian a tul angin Police ten Investiagtion an kalpui mek a ni.
-Addl. Superintendent of Police, Aizawl District
Thu: https://ralvengtu.com