Pi Aung San Suu Kyi-i Chhuah A Ni Ta

13/11/2010 19:58

Ni 13 November 2010 (Inrinni) – Myanmar time 5:15 PM : Kum 7 chhung house arrest-a hrenbeh Myanmar democracy icon Pi Aung San Suu Kyi-i chu chhuah zalen a ni ta.

A tan hun kim ni – ni 12 November 2010 atang tawh khan kum 2001 Nobel Peace Prize dawngtu Pi Aung San Suu Kyi-i an hrenbehna in kawtah, mipui, ramchhung leh ram pawn chanchinbu mi tam takin a chhuah beiseiin an nghak thup a ni. A chhuah ni hian a tan in kawtah mipui 4000 aia tlem loten an chhuah hi an lo chang a, Pi Aung San Suu Kyi-i kaihhruai National League for Democracy office-ah mipui thahnem tak an phung khawm bawk.

Pi Aung San Suu Kyi-i Hause Arrest-a Hrenbeh Hun

· Vawi khatna: Ni 20 July 1989 – Ni 10 July 1995 (Kum 6 )

· Vawi hnihna : Ni 2 September 2000 – Ni 14 September 2000 (Ni 14)

· Vawi thumna : Ni 22 September 2000 – Ni 6 May 2002 (Kum 1 leh Thla 8 )

· Vawi lina : Ni 30 May 2003 - Ni 13 November 2010 (Kum 7 leh a chanve )