Pastor thih danin mipui ngéng chhun: CM

06/04/2010 16:42

Chief Minister Lal Thanhawla chuan, kum 2007-a Rev. Chanchinmawia thih danin Mizo hnam leh a awmna Presbyterian kohhran ngéng a chhun a, kohhran hruaitu pawimawh a arte thih mai chu mipuite'n an ngaithiam lo tih House a hrilh.

B Lalthlengliana zawhna, Home Minister-in a chhanna chhanpuiin, Chief Minister chuan, Rev. Chanchinmawia thihna chu Congress party chuan thla ruk chhungin chhui a tum a, Chief Secretary pawhin CBI Director a bia tih a sawi a; mahse CBI chuan thil thar hriat belh a awm si loh chuan an thil chhui tawh kalhin thil an chhui nawn thei lo tih an hrilh niin a sawi.

Lal Thanhawla chuan, "Rev. Chanchinmawia thihna chungchang hi a tul ang zela ngaihtuah chhoh a ni ang," a ti a; "CBI-in an chhui dawn khan, khatih laia Chief Minister khan CBI-te chu tham theih niin a sawi a. Thuhretu pawimawh zual ni tur, Prime Witness-te koh an ni lo a, senior police officer pawh koh a ni lo a, tualthattute hnûhmá chhui theih tur zawng zawng tihchhiat vek a ni bawk a, thiltih dan engkim hi a inthlawp vek a ni," a ti bawk.

Home Minister chuan, he inthahna thlenga thil chhui fiah tur awm zawng zawngte tihchingpen a nih thu te, Forensic mithiamte'n thil chhuina tur an hmuh theih loh tura thil tih a nih dante leh, CBI-in an chhuina pawh SIT thutlukna anga tihtawp a nih dante a tarlang.

Thulakna: Vanglaini

Back