NUCLEAR RALTHUAM NEIH TUMNA THURUK PAWT CHHUAH CHHAN MYANMAR SIPAI SORKAR-IN CHHUI MEK

Khawvela Nuclear ralthuam neih tum ram zinga tunlaia sawi lar Myanmar ramin Nuclear ralthuam neih a tum dan leh an hmalakna kal zel thu-hla chu thu dik a ni tih finfiah chian a nih tawh thu  Journalists from the Norway-based Democratic Voice of Burma (DVB) chuan a sawi.DVB hian kum tam tak chhung Burma Nuclear neih tum chungchang hi a chhui a,tuna DVB Document siam thei tur hian Sai Thein Win, a former major in Myanmar's army hnen atangin Burma sorkar thuruk files pawimawh tam tak dawn a ni.Burma hian Russia leh North Korea atangin tanpuina a dawng nia hriat a ni. Hetah hian a Video  lei theiha tlangzarh a ni -  https://www.journeyman.tv/60590/documentaries/burmas-nuclear-ambitions.html (Tunah hetah hian Full-Video en theih a ni ta e - https://www.youtube.com/watch?v=dkT7EFSNyKE&feature=channel )

Tun hma atang tawh khan Myanmar-in Nuclear ralthuam neih a tum rinhlelhna a lo awm tawh thin a, sipai sorkarin kum 2005-a Burma khawpui (Capital of Myanmar - Yangon) chu Ni-Pyi-Daw ah a sawn chhan pawh kha America leh ram dang-in an do palh hlauh a, invenna khawpui tura ruahman nia sawi a ni.He Myanmar khawpui tharah hian leiverh puk ruk tam tak, indo huna Sipai lute biruk bo-na tur a awm nia hriat a ni.

Zotui Thiang-in kum 1998 – 2008 thlenga Myanmar khawpui thar Ni-Pyi-Daw leh Yangon vela Taxi leh motor dang khalh thin Ko Myint Win-a a kawmnaah, Ko Myint Win-a chuan, “ Myanmar khawpui sawn a nih hma daih atang tawhin, keini motor khalhtute leh helai khua leh a chhehvela mite hi chuan Nyi-Pyi-Daw ah hian sorkarin leiverh puk ruk a siam thu te, ram pil-ril tlang hnuaiah Russia-hovin thil eng emaw an thawk a ni tih te leh adt... thu-hlate hi kan sawi chamchi thin a ni,” a ti.

Norway-based Democratic Voice of Burma (DVB)-in kum 5 zet a lo chhuichianna atanga thuchhuah an siam achin leh pawl dang atang pawha sawi thawm a awm nasat atangin, International Atomic Energy Agency  (IAES) pawh a ngawi hle hle thei ta lo.IAEA chuan he thil hi a chhui chian tur thu leh Myanmar sipai sorkar hnenah pawh a hrilhfiahna a dil dawn thu leh  a tul dan zela hma a lak tur thu a sawi. https://www.bdnews24.com/details.php?id=163586&cid=5&aoth=1

Tunlai hian Myanmar sipai sorkar chuan engtin nge nuclear neih an tum rukna thu hi a darh chhuah theih dan an chhui mek a, Nuclear neih tum rukna-a mawhphurtu leh sipai dangte pawh an dawp kual mek a.Myanmar sorkar nuclear thuruk file pawimawh pe chhuaktu nia hriat Sai Thein Win chhungkhat vua-vangte pawh Myanmar sipai sorkar chuan a dawp mek niin VOA chuan a sawi.