MIZO MIZONA HUMHALH

Phekpui>NUCLEAR RALTHUAM NEIH TUM THU-HLA AH, IRAN RAM CHU NA TAKA HREK BEH CHHUNZAWM A NI

NUCLEAR RALTHUAM NEIH TUM THU-HLA AH, IRAN RAM CHU NA TAKA HREK BEH CHHUNZAWM A NI

10/06/2010 13:01

Iran ram nuclear ralthuam a siam mek tihtawp tur thu-hlaa rinhlehna(rintawklohna) tam tak karah nimin (9.6.10) khan UN Security Council ah thutlukna siam fel a ni.UN Security Council chuan a tum li-na atan Iran chu na taka hrek chhunzawm turin thu a ti-tlu a ni.

UN Security Council-a tel ram 15 zingah ram 12 chuan Iran hrek beh chhunzawm duhin vote an thlak a, Brazil leh Turkey ten duh lo lamah an thlak.Lebanon erawh neutral-in a awm thung.

Iran president Mahmoud Ahmadinejad-a chuan he thutlukna hi thil atthlak leh awmze nei lo, hman tawh hnu rawmawl anga bawlhhlawh bawma paih chi a ni, a ti.

Iran ram aiawh UN palai Mohammed Khazaee-a chuan Nuclear thachakna neih theihna Iran zalenna hi eng thil mahin chatuanin a dan zawh loh tur thu-in he thutlukna hi a chhang let ve bawk.

Thulakna: VOA, CNN