Nuai 166 chuang man Zawlaidi hralh tawh

19/12/2010 01:43

Grape wine, Zawlaidi chu Hnahlan leh Champhai-a winery atangin cheng nuai 83 chuang man ve ve hralh chhuah tawh a ni.

Grape Growers Society hruaitute sawi danin, winery pahnih atanga grape wine siam chhuahte hralh chhuahna tur hian Excise & Narcotics department chuan a inzat ve ve-in allotment order an pe thin a; tunah hian Hnahlan Winery chuan Zawlaidi litre 1,00,000 a siam chhuah atangin a chanve aia tam hret a hralh tawh a, Champhai Winery pawhin hetiang zat vel bawk hi a hralh tawh a ni.

Hetih lai hian, Champhai Grape Growers Society chuan, kumina grape chîngtute hnen atanga grape an leina, cheng nuai 30 chuang an bat chu an rûl fel tawh a; Hnahlan Grape Growers Society pawhin kar leh Thawhtanni khian grape wine hralhna atanga an sum hmuhte la chhuakin, December 21, Thawhlehni-ah grape leina leiba Rs. 33,70,000 chu rulh an tum a ni.

Grape wine-te hralh theih a nih tâk avang hian Hnahlana grape chíngtute chu an phûr hle nia thu dawn a ni a; kumina an grape thar zinga quintal 1,023 chauh, grape wine siam nan an hman theih avangin, winery chu a lêt hnih vela tihlen an tum a, tanky 14 an neihsa bakah, tanky 30 dang dah belh dan tur an ngaihtuah mek a ni.

Thulakna: Vanglaini

Back

Comments

Date	01/01/2011
By	Mapuia Hnamte
Subject	Quality Mamawh

Zawlaidi hi kei pawh ka in ve chhin tawh. A thlum fuk a, lem hnuah a kha leh. Mizo zu up pangai <i>chang</i> deuh tawh tak kha a ang berin ka hria. A chak lam/ ruih theih lam pawh a inang viau. Alcohol 14v/v ni taiin ka hria. Champange tam tak aiin ruih a awl/a chakzawk a ni. A ruih theih lam ai mahin sugar tam lutuk hian mang a tiang. In hnuah acid-ah a chang leh roh si a. pumpui a chhe duh viau ang. Hruaitute'n ngaihtuahna thar an sen leh a ngaiin ka hria. (A ruih theih lai tak hi mi tam tak duh chhan a ni bawk siah!)