Ni 8 chhunga kangmei chhuakin tin 2000 chuang a zau ram kang chhia

17/03/2010 12:36

Serchhip March 17, 2010 : Kawnpui leh a chhehvela ram kang chu nizan hmasaa ruahsurin a nan mit ta a, ni 8 chhunga kangmei chhuak hian ram ngaw zau tak bakah mimal huan thlai thahnem tak a tichhia a ni.

Ni 8 chhung chawl lova mei alh hian zau hrang hrang 17 a tuam a, buh tin 2850 hmun vela zau a kang chhia nia hriat a ni a, ram kang chhia huam chhungah hian mimal ram 470 vel a awm a, chung zinga 230 vel chu Serthlum, Hatkora, Nimbu, Lakuihthei, Balhla, Kuhva, Fu leh panhnah chinna, a neituten an enkawl lai mek a ni a, hriat theih chinah thlai chinna huan 50 vel chu a bul atanga tan that ngai khawpin a kang chhia a, huan thlam 20 vel zet a kangral bawk.

He ram kang hian nikum maia sawrkarin huan neitute hnena Zo-Israel Serthlum phun tura a pek te pawh a tichhe deuh vek a ni.

Hetihlai hian Zoram hmun hrang hrangah nasa taka kangmei a chhuahna hmun a awm nual a, Rawpui-ah pawh kar hmasa kartawp lama mimal lo hal atanga kangmei chhuak nia ngaih chuan Rawpui khaw ep, Mauhak ram chu nasa takin a tuam a, Thawhtanni nileng leh nimin thleng khan kangmei thelh hna hi thawh a ni.

Thulakna:Zothlifim

Back

Comments

Date	17/03/2010
By	Editor
Subject	HUMHALH RAWH

Kan Ram ramngawte hi kang zovin/ suat zovin,kan Ram nungchate hi suat rem ni ta sela, Zoram hian mawina leh hlutna a nei tawh lo ang a,chutih hunah chuan tangka ngo ngo hi a ei theih lohtih kan hrechiang dawn si a.

Ti teh,khua a tlai hma hian kan Ram ramngawte leh nungchate hi humhalh tlat rawh khai.