National Muay Thai Championship Vawi 12-na Tan Dawn Ta

06/12/2010 01:01

Ni 7 December 2010 (thawhlehni ) chawhnu dar 2:00 hian Ramhlun Sports Complex-ah National Muay Thai Championship vawi 12-na chu tan a ni dawn ta.

Senior mipa leh hmeichhe tana buatsaih he championship hawnnaah hian Education Minister Lalsawta chu khual lian niin, Sports & Youth Services Director Zoliana Royte chu khual zahawm a ni ang.

India ram puma state 24-ten an tel tur thu tichiangin tunah hian state 15 chuan Ramhlun Sports Complex an thleng fel tawh a, state dangte vawiinah Aizawl an lo thlen beisei a ni.

A thlengtu Mizoram Muaythai Association chuan players 45 an thawhchhuak dawn a, intihsiakna chi 4 a awm ang.

Wai Kru, Muay Boran leh Aerobic-ahte inelna neih a ni dawn a, fight pangngaiah ringawt weight category mipa 14 leh hmeichhia 14 a awm dawn a, inlamsiak (Wai Kru)-ah pawh mipa weight 8 leh hmeichhe weight category 8-ah inelna a awm ang.

Kumin May thla khan Bangalore-ah National Muaythai Championsjhip vawi 11-na, junior leh sub junior tana buatsaihah Mizoram Muaythai team chuan gold medal 10, silver medal 2 leh bronze medal 3 an dawng a, senior-ah Mizoram team hian enge an an dawn kan hmu ang chu(h).

Back