Naktuk atangin Tuikuk lalet dawn

10/05/2010 15:24

Nikum November ni 13-a Bungthuam tlangval Zarzokima thah a nih avanga Mamit district-a khaw 8 atanga tlanchhia nia sawi chhungkaw 462 vel chu an tlanchhiatna Tripura state atangin naktuk atang hian sorkar chuan laklet a tum a. November ni 15-ah laklet hna hi zawhfel hman tum a ni.

Tuikuk-te laklet lehna sum mamawh hi sorkar laipui chuan Mizoram sorkarah a hlan fel tawha hriat a ni a, sorkar ruahmannaah an lokirna tur hian chhungkaw tinah Rs.1,500/- ruahman chu re-imburse leh tur pawh nise tuna hman tur pawisa an neih loh avang leh heti zata hruai duh motor a awm an ring lo a, hei bakah hian Tuikuk silai keng mi thenkhatte chuan an remti lo nia sawi a ni bawk.

Tuikuk laklet leh turte hi West Bunghmun, Mualthuam, New Eden, Tumpanglui, K.Sarali, Kolalian, Bajirungpa leh Damdiai khuaa chengte niin, an awmna khua theuhah let leh tura tih an ni a, anmahni lo dawnsawnna tur hi hmun 8 ruahman niin, administrative officer leh police officer ten an vil ang a, venhimna lam thawk turin police an duty bawk ang. Zarzokima thihna boruak vel avanga Tuikuk tlanchhia nia sawite hi 12,538 vel an ni a. Mizoram-a an lo luh hian Mizoram mi dik tak an nih leh nih loh enfiah zel an ni dawn a ni.

Thulakna: The Zozam Times

Back