MZU VC Prof. A.N. Rai NEHU VC-ah Ruat A Ni

07/10/2010 00:31

Prof.A.N.Rai, Mizoram University Vice Chancellor chu President of India chuan NEHU Vice Chancellor atan a ruat thar a, tun kar tawp hian MZU chhuahsanin a hna thar a zawm ang. Prof. A.N.Rai hi dan pangngai ang chuan MZU VC a nihna hi April 2011 thleng a ni a, mahse, a hun hmang zo lovin Vice Chancellor vek hna a thawk chhunzawm dawn a ni.

Prof.Rai thlahna hi MZU chuan naktip dar 2:30 p.m.-ah ropuitakin an buatsaih dawn a. Prof.A.N.Rai, MZU VC a nih chhung hian hmuh theihin MZU chuan hma a sawn a, amah hi mi chak a ni a, Delhi-a Ministry of HRD/UGC,etc. hotute dawr velah a chakin a tangkai a, sum, project leh hna tamtak MZU tan a nawr chhuak a, chuvang chuan MZU VC a nih chhungin lang thamin MZU chuan hma a sawn a ni.

MZU Vice Chancellor tur ruat chhung hian hun a la duh mai thei a, hun khaihlak chhung hian senior professor-ten Acting Vice Chancellor hna hi University dan (Acts and Statutes) angin an lo chelh lailawk dawn a ni.

Thulakna: Mizo Aw