MZP-in LDYCC chhan tlakah an ngai lo

22/05/2010 00:19

Vawiin Ni 21 May 2010 chawhnu dar 1:00 khan MZP Executive Meeting chu MZP Pisapui ah neih a ni. He hun hi Pu VL Krosshnehzova President chuan a kaihruai.

Meeting ah hian Zirlai titha chawimawina MZP Sub-Headquarters, Tlabung ten Ni 14 May2010- a an buatsaiha kal MZP General Headquarters hruaitute, Lunglei Congress Thalai Pawlten an lo haw lampang an lo tihbuai chungchangah nimin Ni 21 May 2010- a LDYCC ten thuchhuah an siam leh chungchang chu meeting chuan ngun taka a ngaihtuah hnuin chhan tlakah a ngai tawh lova, hun remchang hmasaah MZP Sub-Headquarters Tlabung tlawh hian lamkal intirh nise an ti.

‘Census of India’ in India ram puma chhiarpui a neih mekah, Mizoram a he chhiarpui hnathawk tur hian Mizoram chhunga Sawrkar Sikul hrang hranga zirtirtu thahnem tak chhawr an nih avangin Sikul tam takah zirna a khaihlak phah nasa hle a. Hei hi MZP chuan tha a ti lovin zirlai ten an chanvo dik tak zirna tluang taka an neih theihnan Census tih nan sum tam tak ruahman a nih angin, ruahmanna siam thuai turin thuneitute a ngen a ni.

Thulakna: Vulmawi - Daily News Paper , Lunglei

Back