MZP-in HLSC Top 10-a Mizo awmte chawimawi

Mizo Zirlai Pawl (MZP) chuan HSLC Examination 2010-a Mizo zirlai, Top 10-a tlingte chu nimin khan Vanapa Hall-ah an chawimawi a; he huna khuallian, Education Minister Lalsawta chuan, "He hnam hi a ding chhuak dawn a nih chuan, zirna hi a dinchhuahna tur a ni," a ti.

Education Minister chuan, Mizo hnam dinchhuahna turin zirna chu a kawng pawimawh ber pakhat a nih thu sawiin, Zirnaah Mizote hi kan duai lo a, Mizoram hi zirna hmunpuiah siam kan tum a ni," a ti a. Zirnain tha thlah a ngaithei lo tih sawiin, zirlaite chu theihtawpa bei reng turin a fuih.

Lalsawta chuan, kum 2010-2011 chhunga School Education department budget, cheng nuai 50,000 dawn hmangin zirna siamtha turin theihtawp an chhuah dawn tih a sawi a; hriatna tak tak tel lo thiamna a hlauhawm tih sawiin, "Mizo tawng hmang hian zirna a tihphuisui theih a. English thiam hle mah ila, Mizo tawng hi kan hlamchhiah thiang lo," a ti.

He hunah hian School Education Secretary, K Riachho chu khualzahawm niin, ani bakah MZP President, VL Krosshnehzova-ten thu an sawi bawk.

MZP-in HSLC Top 10-a lang a chawimawinaah hian Mizo zirlai zinga pakhatna hnenah Rs. 10,000 leh thuziak, pahnihna hnenah Rs. 7,000 leh thuziak, pathumna hnenah Rs. 5,000 leh thuziak a hlan a; Top 10-a lang dang pangate hnenah Rs. 2,000 theuh leh thuziak hlan a ni bawk. Lawmman pawisate hi mi thahnemngai hrang hrangin an thawh a ni.

Chawimawina dawngtute
1-na    Benjamin Lalfakmawia
St. Peter's HSS
5-na    Shirley Lalrinfeli
Helen Lowry HSS
6-na    JC Laltharmawia
St. Lawrence School
7-na    C Lalpuithangi
Helen Lowry HSS
8-na    Malsawmkima
St. Paul's HSS
9-na    Zochampari
Govt. Mizo HS
Jenny Lalramliani
St. Paul's HSS
10-na    Annie Lalliankimi Fanai
Highland Public School

Thulakna: Vanglaini