MIZO MIZONA HUMHALH

Phekpui>MZP Federal Council - MZP Sorkar finchhuah leh nawr kal a ngaih pawhin kan mawhphurtu , hnam rilru put kawngah leh humhalh kawngah hma hruaitu

MZP Federal Council - MZP Sorkar finchhuah leh nawr kal a ngaih pawhin kan mawhphurtu , hnam rilru put kawngah leh humhalh kawngah hma hruaitu

05/03/2010 15:05

VANGLAINI : MZP Federal Council chu nimin khan Central YMA Hall, Tuikhuahtlangah an thukhawm.

MZP President VL Krosshnenzova chuan zirlai pawl an ni tih hre reng turin hruaitu kalkhawmte a chah a, "Zirlai pawl kan nih theihnghilh loin hna thawk ila, zirna chhiat leh that kawngah mawh kan phur a ni. Sorkar finchhuah leh nawr kal a ngaih pawhin kan mawhphurna a ni," a ti a, MZP chu hnam rilru put kawngah leh humhalh kawngah hma hruaitu tur an nih thu a sawi bawk.

MZP Federal Council hian, Sorkar enkawl sikula zirtirtu inkhairual lo hi khairual a nih theih nan hmalak ni rawh se, tih te; sorkar zirtirtu lak reng rengah transfer-a buaina a awm loh nan a khaw mi qualified ngei la tura sorkar ngen te; Mizoram leilung huasakna laihchhuah a nih chuan a thlitfimna Mizoramah ngei dah ni rawh se, tih te; Mizoram leh Tripura inrina lei bulah sorkarin check gate siam rawh se, tihte leh Zohnahthlak ni loin Mizo hnama sa an phun thin hi tihtawp a nih theih nan hmalak ni rawh se, tihte an rel a ni.

MZP hian vawiina Central YMA, Tuikhuahtlanga Zoram Ni an hman tur chungchangah thuchhuah siamin, Mizo zawng zawng kal ve turin an sawm.