MZP Assembly Agenda 7 Chhawpchhuak

Vawiin 7 October , 2010 khan RD Conference Hall, Chanmari, Aizawl-ah  MZP rorelna sang Federal Council Sitting vawi 33-na neih a ni a, he hunah hian MZP hmalakna tur Agenda chi hrang hrang 7 chhawpchhuah a niin, avaiin MZP Assembly 2010 October 28 leh 29 a neih turah Agenda tur atana chhawpchhuah a ni :-

1.      Mizoram a hnamdang dan lova awm, sumdawng leh khawsa dapchhuah a a thawn haw tura hmalak ni rawh se.

2.      Mizoram ah Commerce & Management  College a awm theih nan chak taka hmalak ni rawh se.

3.     Zohnahthlak te inpumkhatna leh Mizoram leh Hnam hmangaihna rilru min put tir thei  ‘Thu leh Hla’ a tam thei ang ber zir a nih theih nan zirlaibu -a telh tura hmalak ni rawh se.

4.     All India Pre-Medical Test(AIPMT)/All India Pre- Dental Entrance Examination(AIPDEE), Preliminary Exam Centre Aizawlah a awm theih nan hmalak ni rawh se.

5.     UGC - CSIR NET Exam Centre Mizoramah a awm theih nan hmalak ni rawh se.

6.     Mizoram leh Assam ramri buaiah hian Mizoram chin humhim a nih theih nan MZP -in chak takin hma la chhunzawm rawh se.

7.     MZP ‘DAN BU’ siamthat ngai leh ennawn ngai te ennawn a, siamthat ni rawh se.

Rorelna- ah hian Pu S.Lalrinawma Vice President chu Chairman niin, Pu Lalhmachhuana Treasurer chu Vice Chairman a ni a. Hunserh Pu David MS Sailo Executive Committee Member -in a hmang a, Pu H.Lalremsiama General Secretary chuan General Headquarters  hruaitute leh Zoram hmun hrang hrang atanga palai 80 chuang kal te inhmelhriattirna a nei bawk.

House Leader Pu, VL Krosshnehzova President ni bawk chuan, MZP Platinum Jubilee puala hmun hrang hranga MZP te thiltih avangin lawmthu a sawi a.Tin, MZP chu Mizoram leh hnam tana malsawmna a nih chhunzawm zel theihna atan fimkhur leh uluk tak, lungrual taka hma la chhunzawm turin kalkhawmte a fuih. President hian MZP Website ‘www.mzpmizoram.org’ hun rei tak hman theih loha awm tawh chu he hunah hian a hawng thar leh bawk a ni.