MYANMAR-YANGON KHAWPUIAH BOMB 3 PUAK, MI 9 / 24 AIA TLEM LO THI...

15/04/2010 20:21

Ni 15 April 2010 (Nilaithawhtanni),Myanmar hun tlai lam dar 3 vel khan Yangon khawpui – Kandawgyi huanah bomb hmun 3-ah a puak a, mi 9 / 24 aia tlem lo an thi a, mi 60 chuangin hliam an tuar bawk .(Mitthi zat chiah hi sawi dan a inang lo – entirnan : Al Jazeera , Fox News leh adt. in mi 9 aia tlem lo thi nia an tarlan laiin, The Malaysian Insider , ChillX, adt. in mi 24 aia tlem lo, tiin an tarlang thung?). Mitthi zat hi hei ai hian an tam leh / an pun belh rin a ni.

Ni 13 – 16 April hi Myanmar Kut zinga pui bera an ngaih Water Festival ni bik ni a ni a, Water Festival nithumna ni-ah he bomb hi a puak a ni.Myanmar-ah hian a khat tawkin bomb hi a puak leh zeuh thin a, sorkar chuan amah nena inbiak remna nei lo pawl te a puh ziah thin a, finfiahna erawh a awm ngai lem lo. Tun tum bomb puak-ah erawh sorkar atangin puhna thuchhuak engmah a la awm lo nia hriat a ni.

Back

Comments

Date	16/04/2010
By	Zotuithiang
Subject	Mitthi zat 30 ?

Update hnuhnung lam ho phei hi chuan mitthi zat hi 30 an ti a, hliam zat hi 70 aia tlem lo an ti bawk....?

Date	15/04/2010
By	Himtea
Subject	Mitthi zat

Mithi zat chiah hi hriat chian a la ni lo na a, mi 9 vel chauh chu an nih a rinawm loh zawk a nih hi...News Update ho hian mi 24 aia tlem lo an rawn ti zel mai hei...