Myanmar - Mandalay Khawpui Tui Lian ( Thlalak )

12/10/2010 00:56

- Sanga Mandalay

Ni 30th September 2010 (Ninga zan) atangin Myanmar – Mandalay khawpui-ah ruah a sur tan a, a sur tam em avangin tui hi a lian nghal mai a ni. Mandalay khaw chhung reng reng hi ruah a sur tam chuan a luan chhuahna a awm that tawk loh avangin tui a tling duh em em a ni.

Mandalay khaw kiang lawkah tuikhuah lian tak mai a awm a, Tui a tam tak em avangin tuikhuah chu hawn then a lo ngai ta a. Tichuan, Inrin zan khan tuikhuah chu an hawng a, ruah a sur tam bawka tui a lo liansa bawk nen, Aung Pyin Le (South East of Mandalay)-ah chuan tui a lian ta chiam a ni. In 2655 te chu in-ah awm theih loh khawpin a chim a, Tunah hian Camp (PhungKyi Kyaung)-ah mi 12480 vel awm ni a thu dawn a ni.

Tui lian avanga camp-a awmte hi ei tur an nei lova tui in tur pawh an nei lo a ni. A thente chu an thawmhnawte pawh la hman lo khawpin an rawn tlan chhia a. Chuvangchuan, mi tlawmngaiten an ei leh in tur an zawnsak a, chaw an chhumsak a, theih tawp chhuah tak meuhvin an tanpui a. Kohhran, YMCA, NGO, leh Company hrang hrangte pawn an theih ang tawkin an han tanpui ve a, mahse ni khat mai a nih loh avangin a hau tak em em a ni. Vawiin ni (Monday 11-10-2010) thlengin ruah a la sur a ni. Thulakna: Zonun Groupmail